सार्वजनिक ठिकाणी अस्वच्छता पसरविणा-या 112 प्रकरणांची नोंद - उपद्रव शोध पथकाची धडक कारवाई

नागपूर:नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. सोमवारी (ता. 03) रोजी उपद्रव शोध पथकाने 112 प्रकरणांची नोंद करून 71 हजार 200 रुपयाचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु.

 ४००/- दंड) या  अंतर्गत  31  प्रकरणांची नोंद करून 12 हजार 400 रुपयांचा दंड वसुल करण्यात आला. व्यक्तीने रस्ता, फुटपाथ, मोकळी  जागा अशा ठिकाणी  कचरा टाकणे या अंतर्गत 06 प्रकरणांची नोंद करून 600 रुपयांचा दंड वसुल करण्यात आला.  दुकानदाराने रस्ता, फुटपाथ,  मोकळी  जागा अशा ठिकाणी कचरा टाकणे या अंतर्गत  10 प्रकरणांची  नोंद  करून  4 हजार रुपयांचा दंड वसुल करण्यात आला. मॉल,  उपहारगृह,लॉजिंग, बोर्डिंगचे होर्डिंग, 

सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता,  फुटपाथ, मोकळी जागा,  अशा  ठिकाणी कचरा टाकणे या अंतर्गत 01 प्रकरणांची नोंद करून 2 हजार रुपयांचा दंड वसुल करण्यात  आला.वाहतुकीचा  रस्ता मंडप,कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 20 प्रकरणांची नोंद करून 16 हजार रुपयांचा दंड वसुल करण्यात आला. उपरोक्त यादीत न आढळणारे इतर उपद्रव (व्यक्ती)  असल्यास 21  प्रकरणांची नोंद करून  4 हजार 200 रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास 22 प्रकरणांची नोंद करून 22 हजार रुपये दंड वसूल करण्यात आला. हरित लवाद यांनी दिलेल्या दि. 03.07.2017 च्या आदेशाप्रमाणे व दिलेल्या निर्देशाप्रमाणे विवाह सभागृह या अंतर्गत 1  प्रकरणांची नोंद करून 10 हजार रुपयांचा दंड वसूल करण्यात आला. ही कारवाई  उपद्रव  शोध  पथक  प्रमुख  वीरसेन तांबे यांच्या नेतृत्वात करण्यात आली. मनपाच्या उपद्रव शोध पथकाद्वारे सोमवारी  (ता. 03)  रोजी  प्रतिबंधक प्लास्टिक पिशवीचा वापर करणाऱ्या धंतोली झोन अंतर्गत राजेश बेलखेडे कॉटन मार्केट, सतरंजीपुरा झोन अंतर्गत केजीएन स्वीर्ट्स राम सुमेर बाबा नगर या दोन प्रतिष्ठांनाकडुन एकुण 10 हजार  रुपयाचा दंड  वसूल केला. धरमपेठ झोन अंतर्गत आदील ईनरशियल्स बांधकामाचा कचरा नाल्यात टाकल्याबाबत यांच्याकडून 10 हजार रुपयांचा दंड वसूल करण्यात आला. गांधीबाग झोन अंतर्गत मोहम्मद शाहित मोमीत लाल बिल्डींग अन्सार नगर जवळ मोमीनपुरा कचरा अनधिकृत जागेवर टाकणेबाबत यांच्याकडुन 5 हजार रुपयांचा दंड वसूल करण्यात आला. धरमपेठ झोन अंतर्गत मलीका फॅशन लाईफस्टाईल एक्सजीबीशन रामदासपेठ, हनुमाननगर झोन अंतर्गत सिक्रिड स्कुल आदिवासी कॉलोनी परवानगी न घेता बॅनर आणि होर्डिग लावल्यास या दोन प्रतिष्ठानांकडुन एकुण 10 हजार रुपयाचा दंड वसुल करण्यात आला. असे एकूण 6 प्रकरणांची नोंद करून 35 हजार रुपयांचा दंड वसुल करण्यात आला.

आयुक्तांनी केली श्रद्धानंद पेठ ते एलएडी चौक रस्त्याच्या कामाची पाहणी

नागपूर: नागपूर महानगरपालिकेतर्फे श्रद्धानंदपेठ ते एलएडी चौक दरम्यानच्या जवळपास ९०० मीटर मार्गाचा विकास केला जात आहे. याच विकास कामाची मनपा आयुक्त तथा प्रशासक डॉ.अभिजीत चौधरी यांनी सोमवारी (ता.३) पाहणी केली.आयुक्त तथा प्रशासक डॉ.अभिजीत चौधरी यांनी पाहणीची सुरुवात अभ्यंकर नगर चौकापासून केली. एलएडी चौक ते अभ्यंकर नगर चौक दरम्यान अमृत-२ अंतर्गत  पूर्ण झालेल्या पाईप  लाईनच्या कामाची  तसेच त्याच लांबीमध्ये सुरू करावयाच्या सीमेंट रोडच्या कामाची  पाहणी  केली. सदर  लांबीमध्ये रस्त्याच्या ज्या बाजूला पाईप लाईन टाकण्यात आली आहे त्या भागातील रस्त्याची पुनर्स्थापना योग्यरित्या केली नसल्याने दुचाकी वाहनांचे अपघात होत असल्याचे मा. आयुक्त निदर्शनास आले होते. कंत्राटदारामार्फत रस्त्याची  पुनर्स्थापना योग्यरित्या  केली गेली  नसल्याने आयुक्तांनी नाराजी व्यक्त केली. तातडीने नियोजन करून लवकरात लवकर रस्त्याची पुनर्स्थापना करण्याचे सक्त निर्देशही या

वेळी दिले. याशिवाय रस्त्याच्या कामाला सुरुवात करताना त्या ठिकाणी सूचना फलक व काम सुरू केल्याची/काम पूर्ण होण्याची दिनांक नमूद करावे, कंत्राटदाराने स्वतःचा पत्ता व संपर्कासाठी मोबाईल क्रमांक असलेला बोर्ड लावावा. तसेच रस्त्याचे काम सुरू केल्यास रस्त्याच्या दोन्ही टोकावर योग्यरीत्या बॅरीकेट्स लावावे, आपले वाहतूक सुरक्षा रक्षक किंवा स्वयंसेवक नेमावे, असेही निर्देश आयुक्त तथा प्रशासक डॉ. अभिजीत चौधरी यांनी दिले.याप्रसंगी मनपाचे मुख्य अभियंता श्री. राजीव गायकवाड, अधीक्षक अभियंता श्री. मनोज तालेवार, श्रीमती लीना उपाध्याय, डॉ. श्वेता बॅनर्जी, कार्यकारी अभियंता विजय गुरुबाक्षानी प्रामुख्याने उपस्थित होते.