होय…मी मतदान करणार" म्हणत शेकडो नागरिकांनी घेतली प्रतिज्ञा

नागपूर:उज्वल भारताचे स्वप्न प्रत्यक्षात उतरविण्यासाठी 'होय..मी मतदान करणार" म्हणत नागपूर महानगरपालिकाद्वारे आयोजित कार्यक्रमात बुधवारी (ता:०३) सकाळी शेकडोंच्या संख्येत नागरिकांनी मतदान जनजागृती प्रतिज्ञा घेतली. तसेच "तुम्ही मतदान करणार ना.." असे फलक हाती घेऊन पथनाट्य, फ्लॅश मॉब आणि रँलीद्वारे मतदानाचा जागर करण्यात आला.सिस्टिमेटिक व्होटर्स एज्यूकेशन अँड इलेक्ट्रॉल पार्टीसिपेशन अर्थात ‘स्वीप’ कार्यक्रमांतर्गत नागपूर महानगरपालिकाद्वारे बुधवारी (ता.०३) सकाळी सीए रोड स्थित भारत माता व

डॉ. बाबासाहेब आंबेडकर उद्यान येथे मतदार जनजागृती करीता फ्लॅश मॉब आणि पथनाट्याचे सादरीकरण करण्यात आले. याप्रसंगी गांधीबाग झोनचे सहाय्यक आयुक्त श्री. गणेश राठोड, शिक्षणाधिकारी श्री प्रफुल्ल कचवे, मनपाचे क्रीडा अधिकारी  डॉ. पियुष  आंबुलकर शाळा निरीक्षक जयवंत पितळे, प्रशांत टेंभुर्णे, कार्यकारी अभियंता संजय माटे, रोशन अहीरे  यांच्यासह  मनपा अधिकारी,  कर्मचारी व मनपा  शाळेचे विद्यार्थी प्रामुख्याने  उपस्थित होते.  

सार्वत्रिक निवडणुकीमध्ये नागपूर शहरातून जास्तीत जास्त मतदान व्हावे व ७५ टक्के मतदानाचे उद्दिष्ट साध्य व्हावे याकरिता मॅट्रिक्स वॉरियर्सच्या स्वयंसेवकांद्वारे फ्लॅश मॉब व पथनाट्याचे सादरीकरण करण्यात आले. तसेच मनपाच्या डॉ. राम मनोहर लोहिया शाळेच्या व संजय नगर हिंदी माध्यामिक शाळा, मिनी माता नगर विद्यार्थांमार्फत  परिसरात मतदान  जनजागृती  रँली काढण्यात आली. मॅट्रिक्स वॉरियर्सच्या स्वयंसेवकांनी छत्रपती शिवाजी महाराजांचा पोवाडा, देशभक्तीपर गीत अशा विविध गीतांमधून नागरिकांचे लक्ष वेधले व पुढे ‘मतदान कर…’ अशी साद देखील घातली. तसेच पथनाट्याद्वारे मतदान का आवश्यक आहे,

हे देखील पटवून दिले.मॅट्रिक्स वॉरियर्स संस्थेतर्फे पथनाट्याचे लेखन नंदिनी मेनजोगे यांनी केले तर संकल्पना आदित्य खोब्रागडे यांची होती. संस्थेचे आकाश निखाडे, सर्वेश हरडे, सुजाता कावरे, संजना मानवटकर, कुणाल पवार, आदर्श दुधनकर, नयन हावरे, प्रशांत बेलसरे, पलाश हेडाऊ, रोशन वांढरे, जान्हवी वांढरे, वृषाली भानारे, साक्षी सारडा, निखिल दुधनकर, आचल पौनीकर, विनीत चांडक, गौरी रुद्राकर, चेतन दुधनकर, मोहिनी जंगले, समीक्षा जंगले या स्वयंसेवकांनी पथनाट्य व फ्लॅश मॉब मध्ये सहभाग नोंदविला. नागरिकांनी देखील या उपक्रमाला उत्स्फूर्त प्रतिसाद दर्शविला.

सार्वजनिक ठिकाणी अस्वच्छता पसरविणा-या ५८ प्रकरणांची नोंद - उपद्रव शोध पथकाची धडक कारवाई

नागपूर:नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई केली जात आहे. बुधवार (ता.०३) रोजी उपद्रव शोध पथकाने ५८ प्रकरणांची नोंद करून ४७ हजार ६०० रुपयाचा दंड वसूल केला शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/ दंड) या अंतर्गत ११ प्रकरणांची नोंद करून ४ हजार ४०० रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठि

काणी कचरा टाकणे या अंतर्गत ०४ प्रकरणांची नोंद करून ४ ०० रुपयांची वसुली करण्यात आली. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे याअंतर्गत ०३ प्रकरणांची नोंद करून ०१ हजार २०० रुपयांची वसुली करण्यात आली.  मॉल, उपहारगृह,लॉजिंग बोर्डिंग होर्डिंग सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता, फुटपाथ, मोकळी जागा, अशा ठिकाणी कचरा टाकणे या अंतर्गत ०२ प्रकरणांची नोंद करून ४ हजार रुपयांची वसुली करण्यात आली. वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत १० प्रकरणांची नोंद करून २५ हजार रुपयांची वसुली करण्यात आली. चिकन सेंटर, मटन विक्रेता यांनी त्यांचा कचरा रस्ता, फुटपाथ, मोकळी जागा अशा ठिकाणी कचरा टाकणे या अंतर्गत ०१ प्रकरणांची नोंद करून ०१ हजार रुपयांची वसुली करण्यात आली. 

वर्कशॉप, गराज व इतर दुरुस्तीचे व्यावसायिकांचे रस्ता, फुटपाथ, मोकळी जागा अशा ठिकाणी कचरा टाकणे या अंतर्गत ०२ प्रकरणांची नोंद करून ०२ हजार रुपयांची वसुली करण्यात आली. उपरोक्त यादीत न आढळणारे इतर उपद्रव (व्यक्ती) असल्यास १८ प्रकरणांची नोंद करून ३ हजार ६०० रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास ०६ प्रकरणांची नोंद करून ०६ हजार रुपये दंड वसूल करण्यात आला. अशा एकूण ५८ प्रकरणांची नोंद करून ४७ हजार ६०० रुपयाचा दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली. मनपाच्या उपद्रव शोध पथकाद्वारे बुधवार (ता: ०३) रोजी प्रतिबंधक प्लास्टिक पिशवीचा वापर करणाऱ्या ०३ प्रकरणांची नोंद करून १५ हजार रुपयाचा दंड वसूल केला. याशिवाय रस्त्यालगत बांधकाम साहित्य पसरविणे या अंतर्गत धरमपेठ झोन येथील मे. रॉयल बिल्ड्कोन प्रेरणा नगर, फ्रेंड्स कॉलोनी काटोल रोड यांच्यावर कारवाई करीत १० हजार रुपये दंड वसूल करण्यात आला. तसेच रुग्णालयातील कचरा अनधिकृत ठिकाणी जाळणे या प्रकरणी विम्स हॉस्पिटल कामठी रोड यांच्यावर कारवाई करीत ५ हजार रुपयांचा दंड वसूल करण्यात आला. असे एकूण ०७ प्रकरणाची नोंद करून ५० हजार दंड वसूल करण्यात आला.