QR कोड स्कॅन करून मिळवा उद्यानाची माहिती अन् नोंदवा अभिप्राय

नागपूर:सर्वत्र वाढते शहरीकरण आणि गगनचुंबी इमारतींच्या मध्ये मानवाला थेट निसर्गाशी जोडण्याचे एक सुंदर माध्यम म्हणजे उद्यान, सुदृढ आरोग्य, शुद्ध हवा आणि निसर्गाचा स्पर्श अनुभवता येणाऱ्या उद्यानात विविध रंगीबेरंगी फुले, हिरवळ आणि पक्षांचा किलबिलाट मनाला आनंद देतो. आपण ज्या उद्यानात बसून निसर्गाशी हितगुज साधत आहोत, त्याच उद्यानाची माहिती आणि उद्यान विकासासंदर्भात अभिप्राय आता एक क्यू आर कोड स्कॅन करून थेट महानगरपालिकेच्या उद्यान विभागात नोंदविता येणार आहे.शहरातील उद्यानांची माहिती मिळावी व उद्यानासादर्भात तक्रार थेट मनपाच्या उद्यान विभागाकडे पोहोचविता यावी, या उद्देशाने नागपूर महानगरपालिकेने मोठे पाऊल उचलले आहे. मनपा आयुक्त तथा प्रशासक डॉ. अभिजीत चौधरी यांच्या प्रेरणेने मनपा क्षेत्रातील उद्यानांमध्ये “क्यू आर कोड बेस 

गार्डन फीडबॅक अँड कंप्लेंट रीड्रेसल सिस्टीम” ही प्रणाली विकसित करण्यात आली आहे. त्यानुसार मनपा क्षेत्रातील 26 उद्यानांमध्ये ही प्रणाली प्रायोगिक तत्वावर सुरू करण्यात येणार आहे.मनपा आयुक्त तथा प्रशासक डॉ. अभिजीत चौधरी यांनी गुरुवारी (ता.२६) धंतोलीतील मेजर सुरेंद्र देव उद्यानात (धंतोली गार्डन) प्रायोगिक तत्वावर लावण्यात आलेल्या “क्यू आर कोड बेस गार्डन फीडबॅक अँड कंप्लेंट रिड्रेसल सिस्टीम”चे निरीक्षण केले. याप्रसंगी उद्यान अधीक्षक श्री. अमोल चौरपगार, आयटी विभागाचे श्री. स्वप्निल लोखंडे यांच्यासह धंतोली नागरिक मंडळाचे श्री. प्रदीप कोकास, माजी नगरसेवक श्री.बबलू देवतळे, श्री. लखन येरवार आदी सदस्य उपस्थित होते. आयटी  विभागाचेश्री. स्वप्निल लोखंडे यांनी मनपा आयुक्त तथा प्रशासक डॉ. अभिजीत चौधरी यांना संपूर्ण प्रणालीचे कार्य प्रात्यक्षिकाद्वारे समजावून सांगितले. या 

अभिनव उपक्रमांतर्गत नागपूर महानगरपालिकेच्या २६ उद्यानांमध्ये प्रायोगिक तत्त्वावर प्रवेश द्वार, उद्यानातील बसण्याचे ठिकाण, मुलांचे क्रीडांगण, बाहेर जाण्याचा मार्ग अशा जवळपास चार ते पाच दर्शनीय जागेवर “क्यू आर कोड” लावण्यात येणार आहेत. हा कोड मोबाईलवर स्कॅनकरून नागरिक उद्यानाची माहिती, त्यासंदर्भाती तक्रारी, विकासासाठीचे अभिप्राय थेट मनपाच्या उद्यान विभाग, आयटी विभाग, उद्यानातील संबंधित कंत्राटदार यांच्या पर्यंत पोहोचवू शकतो. नागरिकांकडून मिळणारा प्रतिसाद, सूचना, अभिप्राय लक्षात घेवून मनपा हद्दीतील सर्व उद्यानांमध्ये अशाप्रकारे क्यू आर कोड लावण्याचे निर्देश आयुक्तांनी दिले आहे.  मनपा  आयुक्त  तथा प्रशासक डॉ. अभिजीत चौधरी मार्गदर्शनात 

मनपाची उद्याने अधिक नागरिक स्नेही करण्याचा प्यत्न उद्यान विभागाद्वारे केला जात असल्याचे उद्यान अधीक्षक श्री. अमोल चौरपगार यांनी सांगितले.  

“
“क्यू आर कोड बेस गार्डन फीडबॅक अँड कंप्लेंट रीड्रेसल सिस्टीम असे करेल काय..
मनापाद्वारे नागरिकांच्या सोयीसाठी “क्यू आर कोड बेस गार्डन फीडबॅक अँड कंप्लेंट रीड्रेसल सिस्टीम ही प्रणाली प्रायोगिक तत्वावर मनपा क्षेत्रातील २६ उद्यानात लावण्यात येणार आहे. याद्वारे नागरिक मोबाईलवर क्यू आर कोड स्कॅन करून उद्यानाचे परिसर, उद्यानात असणारे विविध वृक्ष, फूल, उद्यानात दिल्या जाणाऱ्या सोयी सुविधा, प्रसाधनगृह आदी विषयी माहिती मिळवू शकतात, तसेच उद्यानासंदर्भातील तक्रार देखील करू शकतात.  नागरिकांनी केलेली तक्रार एसएमएसद्वारे तक्रारकर्ता, उद्यान विभाग आणि संबंधित कंत्राटदार यांच्या पर्यत पोहोचेल व समस्याचे निराकरण त्वरित करता येईल

प्लास्टिक राक्षस मार्फत जनजागृती….

नागपूर, ता. २५ : प्लास्टिक पिशव्यांचा वापर हा लोकांच्या वापराचा अविभाज्य भाग झालेला आहे. प्लास्टिक हे विघटनशील नसल्याने त्याचा पर्यावरणावर प्रतिकूल परिणाम होतो. दिवसेंदिवस वाढत असलेल्या प्लास्टिकच्या वापरामुळे पर्यावरणावर होणारे दुष्परिणाम व परिसरात पसरणारी अस्वच्छता याचे सर्वांना भान असणे अत्यंत आवश्यक आहे. हीच बाब लक्षात घेऊन नागपूर महानगरपालिका आयईसी चमू यांच्या मदतीने ‘प्लास्टिक राक्षस’ तयार करून  विविध ठिकाणी 'प्लास्टिक बंदी' या विषयावर जनजागृती करण्यात आली. मनपा आयुक्त तथा प्रशासक डॉ. अभिजीत चौधरी यांच्या 

मार्गदर्शनात प्लास्टिक बंदी-कचरामुक्त अभियान राबविण्यात येत आहे.  नागपूर महानगर पालिकेच्या  आयईसी चमूद्वारे प्रभाग २० अंतर्गत इतवारी  भाजी बाजार येथे  प्लास्टिक बंदी या  विषयावर  जनजागृती  करण्यात  आली.  नागपूर महानगरपालिकेच्या वतीने प्लास्टिक राक्षस तयार करण्यात आला होता. सर्व दुकानदार आणि 

नागरिकांना सिंगल यूज प्लास्टिकमुळे होणाऱ्या पर्यावरणाच्या हानीबद्दल माहिती देण्यात आली. तसेच कापडी पिशव्या व ज्यूट पिशव्या वापरण्याबाबत नागरिकांचे प्रबोधन करण्यात आले. यावेळी सतरंजीपुरा झोनचे सहायक आयुक्त श्री घनश्याम पंधरे, झोनल अधिकारी डॉ. राजीव राजूरकर उपस्थित होते.  मोठे व्यापारी, भाजी विक्रेते आणि दुकानदार करत आहेत. ग्राहकांकडून देखील प्लास्टिक पिशवीची  मागणी केली जाते. नागपूर महानगरपालिकेच्या वतीने प्लास्टिक राक्षसच्या मदतीने  प्लास्टिक किती घातक आहे हेच सांगण्याचा प्रयत्न  करण्यात आला. नागरिकांना कापडी पिशवीचे उपयोग समजावून सांगण्यात आला. प्लास्टिकच्या पिशव्यांमुळे काही तासांची सोय होत असली तरी त्याचे दूरगामी गंभीर दुष्परिणाम आपल्या सर्वांसाठी, वन्यजीवांसाठी, जलस्रोतांसाठी खूपच धोकादायक आहेत, हे  नागरिकांना  पटवून  देण्यात  आले.  प्लास्टिकचा कचरा  आरोग्यासाठी खूप घातक आहे.  अनेक रोग हे अस्वच्छते मुळे होतात.  आपल्या सभोवतालचा  परिसर स्वच्छ  ठेवण्याची  जबाबदारी  प्रत्येकानेच अंगी बाळगावयास हवी. आपल्या सभोवतालचा परिसर स्वच्छ राखण्यासाठी वैयक्तिक पातळीवर खूप गोष्टी करता येतात. सार्वजनिक ठिकाणी कचरा न फेकणे, न थुंकणे या बाबीदेखील कटाक्षाने पाळल्या पाहिजेत. घरातील व सोसायटीतील कचऱ्याची योग्य त्या ठिकाणी ओला,सुका वर्गीकरण करून विल्हेवाट लावली गेली पाहिजे. जमेल तशी व तेव्हा परिसराची स्वच्छता केली पाहिजे व इतरांनादेखील त्यासाठी प्रवृत्त करायला हवे. यासाठी आपला सर्वाचाच सहभाग अत्यंत मोलाचा आहे, असा संदेश जनजागृती देण्यात आला. 

मनपा आयुक्तांनी केले महालातील अनधिकृत बांधकाम तोडण्याच्या कामाचे निरीक्षण कार्य त्वरीत पूर्ण करण्याचे कंत्राटदाराला निर्देश….

नागपूर:-मा.उच्च न्यायालयाच्या निर्देशानुसार महाल परिसरात करण्यात आलेल्या अनधिकृत बांधकाम तोडण्याच्या कामाचे गुरूवारी (ता.२५) मनपा आयुक्त तथा प्रशासक डॉ. अभिजीत चौधरी यांनी निरीक्षण केले. यावेळी आयुक्तांनी नागरिकांशी संवाद साधला. संबंधित कारवाई मा. उच्च न्यायलयाच्या निर्देशानुसार लवकरात लवकर पूर्ण करण्याचे त्यांनी कंत्राटदाराला निर्देश दिले. तसेच अतिरिक्त कामगार या कामासाठी लावण्याचे व स्थापत्य  अभियंता यांना या कार्यवाहीचे दररोज नि‍रीक्षण करण्याचे निर्देश आयुक्तांनी यावेळी दिले.गांधीबाग झोनचे सहायक आयुक्त श्री गणेश राठोड, नगर रचना विभाग उपसंचालक प्रमोद गावंडे, अतिक्रमण विभागाचे सहायक आयुक्त श्री. हरीश राऊत, विधी अधिकारी श्री प्रकाश बरडे, कार्यकारी अभियंता श्री.मंगेश गेडाम आदी याप्रसंगी उपस्थित होते.महाल 

परिसरातील कल्याणेश्वर मंदिराजवळील 'गायत्री प्लाझा' या इमारतीत बांधण्यात आलेले अवैध फ्लॅट्सवर मनपाच्या अतिक्रमण विरोधी पथकाद्वारे कारवाई करण्यात आली असून येथील अनधिकृत बांधकाम पाडण्यात येत आहे. याबरोबरच या इमारतीत मंजुरी न घेता बांधण्यात आलेल्या इतर बांधकामांवरही कारवाई करण्यात येत आहे. उच्च न्यायालयाच्या आदेशानुसार ही कारवाई सुरू आहे.महाल येथे अहीरराव वाडा या जागेत गायत्री प्लाझाचे बांधकाम करण्यासाठी १९९२ मध्ये नगररचना विभागाकडून नकाशासाठी मंजुरी घेण्यात आली होती. 

मात्र संबंधित विकासकाने परवानगीपेक्षा अधिक बांधकाम करून येथील सुमारे ३२ फ्लॅट वेगवेगळ्या लोकांना विकले. येथील अवैध बांधकामाचा मुद्दा घेऊन २०१७ मध्ये उच्च न्यायालयात याचिका दाखल करण्यात आली होती. २५ सप्टेंबर २०१९ मध्ये न्यायालयाने अवैध बांधकाम तोडण्याचे आदेश दिले होते. त्यानंतर १५ एप्रिल २०२४ रोजी न्यायालयाने दिलेल्या आदेशानुसार कारवाई करण्याचे निर्देश मनपा आयुक्त तथा प्रशासक डॉ. अभिजीत चौधरी यांनी प्रशासनाला दिले. त्यानुसार तात्काळ कारवाई करीत संबंधित इमारतीतील अवैध बांधकाम पाडण्यास सुरूवात झाली.