नागपुरातील पुराचा धोका आणि उष्णतेच्या लाटेचे भौगोलिक स्थानिक विश्लेषण” कार्यशाळेला उत्तम प्रतिसाद

नागपूर:नागपूर महानगरपालिका आयुक्त तथा प्रशासक डॉ. अभिजीत चौधरी यांच्या अध्यक्षतेखाली व मनपा अतिरिक्त आयुक्त श्रीमती आंचल गोयल यांच्या प्रमुख उपस्थिती “नागरी स्थानिक नियोजनासाठी नागपुरातील पुराचा धोका आणि उष्णतेच्या लाटेचे भौगोलिक स्थानिक विश्लेषण” या विषयावर मंगळवार (ता.१४) रोजी कार्यशाळेचे (Geospatial Analysis of Flood Risk and Heat Wave in Nagpur City for Urban Local Planning) आयोजन करण्यात आले.   मनपा मुख्यालयातील  डॉ. पंजाबराव देशमुख स्मृती स्थायी समिती सभागृहात नागपूर शहरात दरवर्षी पावसाळ्यात उत्पन्न होणारी पूर परिस्थिती तसेच उष्णतेच्या लाटेच्या धोक्याचे भौगोलिक-स्थानिक विश्लेषण करण्याच्या दृष्टीने आयोजित कार्यशाळेत यूएनडीपी च्या मार्गदर्शनाखाली अल्यूव्हियम इंटरनॅशनल व अल्यूव्हियम कंस्लटेंसी इंडिया यांच्याद्वारे संगणकीय सादरीकरण करीत चर्चासत्र घेण्यात आले.
याप्रसंगी यूएनडीपी च्या शहर समन्वयक श्रीमती. आरुषा आनंद, मनपाचे मुख्य अग्निशमन अधिकारी श्री.बी. पी. चंदनखेडे, वैद्यकीय आरोग्य अधिकारी डॉ. दीपक सेलोकर, अतिरिक्त वैद्यकीय आरोग्य अधिकारी डॉ. विजय जोशी, नागपूर स्मार्ट सिटी पर्यावरण विभागाच्या महा व्यवस्थापक डॉ. प्रणिता उमरेडकर, मनपाचे नगररचनाकार श्री. ऋतुराज जाधव, जिल्हाधिकारी कार्यालयाचे प्रातिनिधी श्री. अंकुश गावंडे, श्री. प्रमोद कडे, नागपूर सुधार प्रन्यासचे कार्यकारी अभियंता श्री. पी.डी. अंभोरकर, श्री. धमेंद्र चुटे, श्री. संजय चिमूरकर, मनपाचे कार्यकारी अभियंता श्री. रवींद्र बुंदाडे, श्री. उप अभियंता श्री. आनंद मोखाडे, शिक्षण विभागाचे श्री. मनोज लोखंडे, श्री. राजेश बोरकर, श्रीमती श्वेता दांडेकर, श्री. आर. एन. जीवतोडे, उद्यान विभागाचे रोशन वाघमारे, श्री. संजय बिसने यांच्यासह अल्यूव्हियमचे श्री. पार्थ गोयल, श्री. आकाश मलिक, श्रीमती तरीया गुलाटी यांच्यासह विविध विभागाचे अधिकारी व कर्मचारी प्रामुख्याने उपस्थित होते.
कार्यशाळेला मार्गदर्शन करीत आयुक्त तथा प्रशासक डॉ. अभिजीत चौधरी यांनी सर्वप्रथम नागपूर शहरातील नाग नदीच्या प्रवाहास अडथळा निर्माण करणारी व नदीस पूर येण्यास कारणीभूत असणारे विविध

 कारण तसेच वातावरण बदलामुळे वाढते तापमान यावर करण्यात आलेल्या विश्लेषण अध्ययनाची माहिती जाणून घेतली. तसेच नागपुरातील पुराचा धोका कमी करण्यासाठी आवशक ती माहिती संबंधित विभागाने द्यावी अशा सूचना देखील दिल्या. तर अतिरिक्त आयुक्त श्रीमती आंचल गोयल यांनी उष्णतेच्या लाटेपासून बचावासाठी तापमानासह हिट इंडेक्स दोन्हीचे विश्लेषणात्मक माहितीच्या आधारे पुढील धोरण आखावे अशा सूचना संबंधित विभागाला दिल्या.कार्यशाळेच्या प्रारंभी यूएनडीपी च्या शहर समन्वयक श्रीमती. आरुषा आनंद यांनी कार्यशाळे विषयी माहिती दिली, महाराष्ट्रासाठी आपत्ती जोखीम व्यवस्थापन प्रणाली मजबूत करण्यासाठी महाराष्ट्र शासन व जीओएम यूएनडीपी कार्यक्रमांतर्गत शहरी घटकामधील पूर परिस्थितीवर नियंत्रण ठेवण्याच्या दृष्टीने मॉडलिंग उपक्रम तयार करण्यात येणार आहे. याकरिता नाशिक, नागपूर आणि छत्रपती संभाजीनगर या तीन शहरांसाठी जोखीम मूल्यांकन आणि भू-स्थानिक विश्लेषण” कार्य केले जाणार असल्याचे श्रीमती आरुषा आनंद यांनी सांगितले.
कार्यशाळेत अॅल्यूव्हियमचे श्री. पार्थ गोयल श्री. आकाश मलिक, श्रीमती तरीया गुलाटी यांनी संगणकीय सादरीकरण करीत नागपूर शहरातील पावसाळ्यात उत्पन्न होणारी परिस्थिती व उष्णतेच्या लाटेच्या धोक्याचे भौगोलिक-स्थानिक विश्लेषण कार्याच्या पद्धती विषयी माहिती दिली.  तसेच विश्लेषणाची माहिती पुस्तिका, नकाशे व सर्व समावेश आपत्ती व्यवस्थापक नियोजन शासनाला सादर करण्यात येणार असल्याचे त्यांनी सांगितले.

सार्वजनिक ठिकाणी अस्वच्छता पसरविणा-या 133 प्रकरणांची नोंद-उपद्रव शोध पथकाची धडक कारवाई

नागपूर:नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. सोमवारी (ता. 13) रोजी उपद्रव शोध पथकाने 133 प्रकरणांची नोंद करून 58 हजार 500 रुपयाचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे

, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत 31 प्रकरणांची नोंद करून 12 हजार 400 रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 05 प्रकरणांची नोंद करून 500 रुपयांचादंड वसुली करण्यात आला. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 4 प्रकरणांची नोंद करून 1 हजार 600 रुपयांचा दंड वसुल करण्यात आला. मॉल, उपहारगृह,लॉजिंग, बोर्डिंगचे होर्डिंग, सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता, फुटपाथ, मोकळी जागा, अशा ठिकाणी कचरा टाकणे या अंतर्गत 01 प्रकरणांची नोंद करून 2 हजार रुपयांची वसुली करण्यात आली. वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 5 प्रकरणांची नोंद करून 7 हजार  रुपयांचा दंड वसुल करण्यात आला.  चिकन सेंटर, मटन विक्रेता यांनी त्यांचा  कचरा रस्ता,  फुटपाथ, मोकळी जागा अशा ठिकाणी कचरा टाकणे या अंतर्गत 01 प्रकरणांची नोंद करून 1 हजार रुपयांचा दंड वसुल करण्यात आला. सार्वजनिक रस्ता, फुटपाथ, मोकळी जागा इत्यादी ठिकाणी बांधकामाचा मलबा/टाकावू कचरा टाकणे/साठवणे या अंतर्गत 02 प्रकरणांची नोंद करुन 2 हजार रुपये दंड वसूल करण्यात आला. सार्वजनिक  ठिकाणी,रस्ता, फुटपाथ, मोकळी जागा, अशा ठिकाणी थुंकणे या अंतर्गत 4 प्रकरणांची नोंद करुन 800 रुपयांचा दंड वसुल करण्यात आला.

उपरोक्त  यादीत न  आढळणारे  इतर उपद्रव  (व्यक्ती)  असल्यास 61 प्रकरणांची नोंद करून 12 हजार 200 रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास 19 प्रकरणांची नोंद करून 19 हजार रुपये दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.मनपाच्या उपद्रव शोध पथकाद्वारे सोमवारी (ता. 13) रोजी प्रतिबंधक प्लास्टिक पिशवीचा वापर करणाऱ्या धंतोली अंतर्गत जया सेल्स कॉटन मार्केट, गांधीबाग झोन अंतर्गत पवन स्वीट्स गरोबा मैदान, सतरंजीपुरा झोन अंतर्गत बीरहा किराणा भारत माता चौक ईतवारी व आशी नगर झोन अंतर्गत रवी पॅकींग मटेरीयल शॉप चैतन्य नगर या चार प्रतिष्ठानांकडुन एकुण 20 हजार रुपयाचा दंड वसूल केला. 

याशिवाय धरमपेठ झोन अंतर्गत गाईडंस पाईंट अमरावती रोड नाका, धंताली झोन अंतर्गत टोट्स डिस्कवरी लेंड नरेन्द्र नगर व आशी नगर झोन अंतर्गत तिरपुडे सेंट्रल स्कुल चौक्स कॉलोनी कामठी रोड या तीन प्रतिष्ठानांवर परवानगी न घेता बॅनर आणि होर्डिग लावल्यास एकुण 16 हजार रुपयाचा दंड वसुल करण्यात आला. मंगळवारी झोन येथील यश सिद्धी बिल्डर्स एनआयटी गार्डन जवळ आर्य नगर रस्त्यालगत बांधकाम साहीत्य पसरविणे अंतर्गत 10 हजार रुपयांचा दंड वसूल करण्यात आला. असे एकूण 08 प्रकरणाची नोंद करून 46 हजार रुपयांचा दंड वसूल करण्यात आला. 

मान्सूनपूर्वी नाग नदीचे स्वच्छता आणि रुंदीकरण कार्य पूर्ण करा... मनपा आयुक्त डॉ.अभिजीत चौधरी यांचे निर्देश

नागपूर:- नागपूर शहरातील नाग नदी, पिवळी नदी आणि पोहरा नदीच्या स्वच्छतेचे काम सुरू आहे. या अभियानामध्ये नाग नदीच्या अंबाझरी दहन घाट परिसरातील पात्राचे रुंदीकरण देखील केले जात आहे. नाग नदी स्वच्छता तसेच पात्राचे रुंदीकरण कार्य मान्सूनपूर्वी पूर्ण व्हावे यादृष्टी गती वाढविण्याचे निर्देश मनपा आयुक्त तथा प्रशासक डॉ. अभिजीत चौधरी यांनी दिले.डॉ. चौधरी यांनी नाग नदी स्वच्छता तसेच अंबाझरी दहन घाटाजवळील पात्राच्या रुंदीकरण कामाची पाहणी केली व आढावा घेतला. या पाहणी दौऱ्यात मुख्य अभियंता श्री. राजीव गायकवाड, अधीक्षक अभियंता श्री. मनोज तालेवार, उपायुक्त डॉ. गजेंद्र महल्ले, उद्यान अधीक्षक श्री. अमोल 

चौरपगार, कार्यकारी अभियंता श्री. विजय गुरूबक्षाणी आदी उपस्थित होते.नाग नदीच्या पाण्याच्या प्रवाहाला अडथळा निर्माण होउ नये व खूप जास्त पावसातही पाणी सुरळीत वाहून जावे यासाठी अंबाझरी दहन घाट ते व्हीएनआयटी पूलापर्यंतचे पात्र रुंद करण्याची सूचना सिंचन विभागाद्वारे करण्यात आली होती. या सूचनेनुसार महाराष्ट्र राज्य सार्वजनिक विभागाद्वारे हे कार्य सुरू आहे. मनपा आयुक्तांनी अंबाझरी दहन घाट ते व्हीएनआयटी पुलापर्यंतचे पात्र तसेच एनआयटी स्केटिंग रिंक येथील पात्राची पाहणी करून या कामाबाबतची स्थिती जाणून घेतली. 

अंबाझरी लेआयउट येथील नदी पात्राची पाहणी करताना मनपा आयुक्त तथा प्रशासक डॉ. अभिजीत चौधरी यांनी क्रेझी केसलद्वारे पात्रावर निर्माण केलेले लोखंडी पूल त्वरीत काढण्याबाबत निर्देशही दिले.याशिवाय त्यांनी अशोक चौक येथे भेट देउन येथील नाग नदीच्या पात्राच्या स्वच्छता कार्याचा आढावा घेतला.पावसाळ्यात अतिरिक्त पाणी आल्यास पाण्याचा लगेच नाग नदीत निचरा व्हावा व नदीतील पाणी सुरळीत प्रवाहित व्हावे, त्याला कुठलाही अडथळा निर्माण होउ नये यादृष्टीने कटाकाक्षाने कार्य करण्याचे निर्देश मनपा आयुक्त तथा प्रशासक डॉ. अभिजीत चौधरी यांनी प्रशासनाला दिले होते. तांत्रिक आणि शास्त्रशुद्ध दृष्ट्या कार्य व्यवस्थित व्हावे याकरिता या कामाबाबत सिंचन विभागाद्वारे अभिप्राय आणि सूचना मागविण्यात आलेल्या होत्या.

सिंचन विभागाद्वारे नदीच्या उगमापासून पाण्याचा प्रवाह अधिक सुरळीत व्हावा याकरिता पात्राचे रूंदीकरण करण्याबाबत सूचना केली होती त्यानुसार मनपाद्वारे रुंदीकरणाचे कार्य प्रगतीपथावर आहे.

सार्वजनिक ठिकाणी अस्वच्छता पसरविणा-या ६९ प्रकरणांची नोंद- उपद्रव शोध पथकाची धडक कारवाई

नागपूर:- नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. शुक्रवारी (ता. १०) रोजी उपद्रव शोध पथकाने ६९ प्रकरणांची नोंद करून ३३ हजार ४०० रुपयांचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. सार्वजनिक ठिकाणी रस्ता, फुटपाथ, मोकळी जागा, अशा ठिकाणी 

थुंकणे (रु. २००/- दंड) या अंतर्गत २ प्रकरणांची नोंद करून ४०० रुपयांचा दंड वसुल करण्यात आला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत १५ प्रकरणांची नोंद करून ६ हजार रुपयांचा दंड वसुल करण्यात आला. व्यक्तीने रस्ता, फुटपाथ, मोकळी जागा अशा ठिकाणी कचरा टाकणा-या एका व्यक्तीवर कारवाई करून १०० रुपये दंड ठोठावण्यात आला. दुकानदाराने रस्ता, फुटपाथ, मोकळी जागा

अशा ठिकाणी कचरा टाकणे या अंतर्गत ११ प्रकरणांची नोंद करून ४ हजार ४०० रुपयांचा दंड वसुल करण्यात आला.वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत ५ प्रकरणांची नोंद करून ३५०० रुपयांचा दंड वसुल करण्यात आला. चिकन सेंटर, मटन विक्रेता यांनी त्यांचा कचरा रस्ता, फुटपाथ, मोकळी जागा अशा ठिकाणी कचरा टाकणे या अंतर्गत २ विक्रेत्यांवरील कारवाईत २ हजार रुपयांचा दंड वसुल करण्यात आला.उपरोक्त यादीत न आढळणारे इतर उपद्रवांमध्ये (व्यक्ती) २० प्रकरणांची नोंद करून ४ हजार रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास १३ प्रकरणांची नोंद करून १३ हजार रुपये दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.मनपाच्या उपद्रव शोध पथकाद्वारे शुक्रवारी (ता.१०) रोजी प्रतिबंधक प्लास्टिक पिशवीचा वापर करणाऱ्या ७ प्रकरणांमध्ये ३५ हजार रुपयांचा दंड वसूल केला. धरमपेठ झोनमधील गोकुलपेठ येथील आझाद किराणा, गांधीबाग झोन अंतर्गत सारीका किराणा स्टोर्स, सतरंजीपुरा झोन अंतर्गत जगनाद स्वीट्स तीन  प्रतिष्ठांनाकडुन एकुण १५ हजार रुपयाचा दंड वसूल केला. याशिवाय धरमपेठ झोन अंतर्गत काटोल रोड गंगानगर येथील नेताजी सोसायटी येथील रहिवाश्याने घातक वैद्यकीय कचरा सामान्य कच-यात टाकल्याबद्दल ५ हजार हजार रुपयांचा दंड वसुल करण्यात आला. हनुमान नगर झोन अंतर्गत नंदनवन येथील रिॲलिटी बिल्डर्सद्वारे रस्त्यावर सी अँड डी कचरा टाकल्याबद्दल ५ हजार रुपयाचा दंड वसुल करण्यात आला. 

धंतोली झोन अंतर्गत मनीष नगर येथील द अचिव्हर्स स्कूल द्वारे विनापरवानगी विद्युत खांबांवर जाहिरातीचे बॅनर लावल्याप्रकरणी ५ हजार रुपयांचा दंड वसुल करण्यात आला. मंगळवारी झोनमधील गोधनी रोड वरील बाबी प्लँट ॲकेडमीद्वारे देखील अनधिकृतपणे जाहिरात लावल्या प्रकरणी ५ हजार रुपये दंड वसूल करण्यात आला. असे एकूण ७ प्रकरणाची नोंद करून ३५ हजार रुपयांचा दंड वसूल करण्यात

 आला.