मनपात छत्रपती शिवाजी महाराजांना विनम्र अभिवादन-शिवराज्याभिषेक दिन सोहळा उत्साहात

 नागपूर:महाराष्ट्राचे आराध्यदैवत, हिंदवी स्वराज्य संस्थापक छत्रपती शिवाजी महाराज यांच्या 350 वा  शिवराज्याभिषेकोत्सव दिन सोहळ्यानिमित्त नागपूर महानगरपालिकेच्या वतीने मनपा मुख्यालयातील छत्रपती शिवाजी महाराज यांच्या तैलचित्राला पुष्पहार अर्पण करून विनम्र अभिवादन करण्यात आले.कार्यक्रमात सर्वप्रथम मनपा आयुक्त तथा प्रशासक डॉ. अभिजीत चौधरी यांनी छत्रपती शिवाजी महाराज यांच्या तैलचित्राला माल्यार्पण केले. तसेच उपमहापौर कक्षातील शिवराज्याभिषेकसोहळाच्या 

तैलचित्रास अभिवादन करीत पुष्प अर्पण केले. याप्रसंगी अतिरिक्त आयुक्त श्रीमती आंचल गोयल, घनकचरा व्यवस्थापन विभाग प्रमुख तथा उपायुक्त डॉ. गजेंद्र महल्ले. वैद्यकीय आरोग्य अधिकारी डॉ. दीपक सेलोकर, अतिरिक्त वैद्यकीय आरोग्य अधिकारी डॉ. विजय जोशी, स.प्र.विचे सहाय्यक अधीक्षक श्री. राजकुमार मेश्राम, जनसंपर्क अधिकारी श्री. मनिष सोनी, रोहिदास राठोड, श्री राजेश गजभिये  यांच्यासह मनपाचे  अधिकारी  व कर्मचारी प्रामुख्याने उपस्थित होते..

आपली बस विद्यार्थी सवलत पास बनविण्याची प्रक्रिया सुरू

नागपूर : नागपूर महानगरपालिकेच्या परिवहन विभागाद्वारे ‘आपली बस’ची विद्यार्थी सवलत पास बनविण्याची प्रक्रिया सुरू करण्यात आलेली आहे. मनपा आयुक्त तथा प्रशासक डॉ. अभिजीत चौधरी आणि अतिरिक्त आयुक्त श्रीमती आंचल गोयल यांच्या मार्गदर्शनात तीन केंद्रांवर विद्यार्थी सवलत पास प्रक्रिया सुरू झालेली आहे.परिवहन विभागाद्वारे तीन केंद्रांवर पास बनविण्याची व्यवस्था करण्यात आली असून विद्यार्थ्यांना मासीक आणि त्रिमासिक पास काढता येणार आहे. पटवर्धन डेपो येथे सीताबर्डी येथील मनीष मार्केट बिल्डिंगमधील तिसया माळ्यावर, वाडी ऑक्ट्रॉय नाका नं. १० येथील वाडी डेपोमध्ये आणि वासुदेव नगर मेट्रो स्टेशन जवळील हिंगणा डेपो येथे सवलत पास त

यार करण्याची सोय उपलब्ध करण्यात आली आहे. पटवर्धन डेपो येथे सकाळी ८ वाजतापासून ते रात्री ८ वाजता पर्यंत तर वाडी डेपो आणि हिंगणा डेपो येथे सकाळी १० ते सायंकाळी ६ या वेळेत पास तयार करता येणार आहे.विद्यार्थ्यांना सवलत पास तयार करण्यासाठी शाळेचे मुख्याध्यापकाची सही आणि शाळेचा शिक्का असलेले बोनाफाईड प्रमाणपत्र आवश्यक आहे. पास केंद्रावर अर्जात आवश्यक सर्व माहिती भरून त्यावर पासपोर्ट आकाराचे फोटो लावावे व सोबत बोनाफाईड प्रमाणपत्र जोडावे. विद्यार्थी दिव्यांग असल्यास दिव्यांगत्वाचे प्रमाणपत्र देखील सोबत जोडणे अनिवार्य आहे. विद्यार्थ्यांनी उपरोक्त तीन डेपो कार्यालयापैकी कोणत्याही कार्यालयात आवश्यक कागदपत्रे घेउन जाउन आपली सवलत पास तयार करून घ्यावी, असे आवाहन मनपा परिवहन विभागाद्वारे करण्यात आले आहे.

सार्वजनिक ठिकाणी अस्वच्छता पसरविणा-या 112 प्रकरणांची नोंद - उपद्रव शोध पथकाची धडक कारवाई

नागपूर:नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. सोमवारी (ता. 03) रोजी उपद्रव शोध पथकाने 112 प्रकरणांची नोंद करून 71 हजार 200 रुपयाचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु.

 ४००/- दंड) या  अंतर्गत  31  प्रकरणांची नोंद करून 12 हजार 400 रुपयांचा दंड वसुल करण्यात आला. व्यक्तीने रस्ता, फुटपाथ, मोकळी  जागा अशा ठिकाणी  कचरा टाकणे या अंतर्गत 06 प्रकरणांची नोंद करून 600 रुपयांचा दंड वसुल करण्यात आला.  दुकानदाराने रस्ता, फुटपाथ,  मोकळी  जागा अशा ठिकाणी कचरा टाकणे या अंतर्गत  10 प्रकरणांची  नोंद  करून  4 हजार रुपयांचा दंड वसुल करण्यात आला. मॉल,  उपहारगृह,लॉजिंग, बोर्डिंगचे होर्डिंग, 

सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता,  फुटपाथ, मोकळी जागा,  अशा  ठिकाणी कचरा टाकणे या अंतर्गत 01 प्रकरणांची नोंद करून 2 हजार रुपयांचा दंड वसुल करण्यात  आला.वाहतुकीचा  रस्ता मंडप,कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 20 प्रकरणांची नोंद करून 16 हजार रुपयांचा दंड वसुल करण्यात आला. उपरोक्त यादीत न आढळणारे इतर उपद्रव (व्यक्ती)  असल्यास 21  प्रकरणांची नोंद करून  4 हजार 200 रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास 22 प्रकरणांची नोंद करून 22 हजार रुपये दंड वसूल करण्यात आला. हरित लवाद यांनी दिलेल्या दि. 03.07.2017 च्या आदेशाप्रमाणे व दिलेल्या निर्देशाप्रमाणे विवाह सभागृह या अंतर्गत 1  प्रकरणांची नोंद करून 10 हजार रुपयांचा दंड वसूल करण्यात आला. ही कारवाई  उपद्रव  शोध  पथक  प्रमुख  वीरसेन तांबे यांच्या नेतृत्वात करण्यात आली. मनपाच्या उपद्रव शोध पथकाद्वारे सोमवारी  (ता. 03)  रोजी  प्रतिबंधक प्लास्टिक पिशवीचा वापर करणाऱ्या धंतोली झोन अंतर्गत राजेश बेलखेडे कॉटन मार्केट, सतरंजीपुरा झोन अंतर्गत केजीएन स्वीर्ट्स राम सुमेर बाबा नगर या दोन प्रतिष्ठांनाकडुन एकुण 10 हजार  रुपयाचा दंड  वसूल केला. धरमपेठ झोन अंतर्गत आदील ईनरशियल्स बांधकामाचा कचरा नाल्यात टाकल्याबाबत यांच्याकडून 10 हजार रुपयांचा दंड वसूल करण्यात आला. गांधीबाग झोन अंतर्गत मोहम्मद शाहित मोमीत लाल बिल्डींग अन्सार नगर जवळ मोमीनपुरा कचरा अनधिकृत जागेवर टाकणेबाबत यांच्याकडुन 5 हजार रुपयांचा दंड वसूल करण्यात आला. धरमपेठ झोन अंतर्गत मलीका फॅशन लाईफस्टाईल एक्सजीबीशन रामदासपेठ, हनुमाननगर झोन अंतर्गत सिक्रिड स्कुल आदिवासी कॉलोनी परवानगी न घेता बॅनर आणि होर्डिग लावल्यास या दोन प्रतिष्ठानांकडुन एकुण 10 हजार रुपयाचा दंड वसुल करण्यात आला. असे एकूण 6 प्रकरणांची नोंद करून 35 हजार रुपयांचा दंड वसुल करण्यात आला.