सार्वजनिक ठिकाणी अस्वच्छता पसरविणा-या 133 प्रकरणांची नोंद-उपद्रव शोध पथकाची धडक कारवाई

नागपूर:नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. सोमवारी (ता. 13) रोजी उपद्रव शोध पथकाने 133 प्रकरणांची नोंद करून 58 हजार 500 रुपयाचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे

, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत 31 प्रकरणांची नोंद करून 12 हजार 400 रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 05 प्रकरणांची नोंद करून 500 रुपयांचादंड वसुली करण्यात आला. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे या अंतर्गत 4 प्रकरणांची नोंद करून 1 हजार 600 रुपयांचा दंड वसुल करण्यात आला. मॉल, उपहारगृह,लॉजिंग, बोर्डिंगचे होर्डिंग, सिनेमाहॉल, मंगल कार्यालये, कॅटरर्स सर्व्हिस प्रोव्हायडर इत्यादींनी रस्ता, फुटपाथ, मोकळी जागा, अशा ठिकाणी कचरा टाकणे या अंतर्गत 01 प्रकरणांची नोंद करून 2 हजार रुपयांची वसुली करण्यात आली. वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 5 प्रकरणांची नोंद करून 7 हजार  रुपयांचा दंड वसुल करण्यात आला.  चिकन सेंटर, मटन विक्रेता यांनी त्यांचा  कचरा रस्ता,  फुटपाथ, मोकळी जागा अशा ठिकाणी कचरा टाकणे या अंतर्गत 01 प्रकरणांची नोंद करून 1 हजार रुपयांचा दंड वसुल करण्यात आला. सार्वजनिक रस्ता, फुटपाथ, मोकळी जागा इत्यादी ठिकाणी बांधकामाचा मलबा/टाकावू कचरा टाकणे/साठवणे या अंतर्गत 02 प्रकरणांची नोंद करुन 2 हजार रुपये दंड वसूल करण्यात आला. सार्वजनिक  ठिकाणी,रस्ता, फुटपाथ, मोकळी जागा, अशा ठिकाणी थुंकणे या अंतर्गत 4 प्रकरणांची नोंद करुन 800 रुपयांचा दंड वसुल करण्यात आला.

उपरोक्त  यादीत न  आढळणारे  इतर उपद्रव  (व्यक्ती)  असल्यास 61 प्रकरणांची नोंद करून 12 हजार 200 रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास 19 प्रकरणांची नोंद करून 19 हजार रुपये दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.मनपाच्या उपद्रव शोध पथकाद्वारे सोमवारी (ता. 13) रोजी प्रतिबंधक प्लास्टिक पिशवीचा वापर करणाऱ्या धंतोली अंतर्गत जया सेल्स कॉटन मार्केट, गांधीबाग झोन अंतर्गत पवन स्वीट्स गरोबा मैदान, सतरंजीपुरा झोन अंतर्गत बीरहा किराणा भारत माता चौक ईतवारी व आशी नगर झोन अंतर्गत रवी पॅकींग मटेरीयल शॉप चैतन्य नगर या चार प्रतिष्ठानांकडुन एकुण 20 हजार रुपयाचा दंड वसूल केला. 

याशिवाय धरमपेठ झोन अंतर्गत गाईडंस पाईंट अमरावती रोड नाका, धंताली झोन अंतर्गत टोट्स डिस्कवरी लेंड नरेन्द्र नगर व आशी नगर झोन अंतर्गत तिरपुडे सेंट्रल स्कुल चौक्स कॉलोनी कामठी रोड या तीन प्रतिष्ठानांवर परवानगी न घेता बॅनर आणि होर्डिग लावल्यास एकुण 16 हजार रुपयाचा दंड वसुल करण्यात आला. मंगळवारी झोन येथील यश सिद्धी बिल्डर्स एनआयटी गार्डन जवळ आर्य नगर रस्त्यालगत बांधकाम साहीत्य पसरविणे अंतर्गत 10 हजार रुपयांचा दंड वसूल करण्यात आला. असे एकूण 08 प्रकरणाची नोंद करून 46 हजार रुपयांचा दंड वसूल करण्यात आला. 

मान्सूनपूर्वी नाग नदीचे स्वच्छता आणि रुंदीकरण कार्य पूर्ण करा... मनपा आयुक्त डॉ.अभिजीत चौधरी यांचे निर्देश

नागपूर:- नागपूर शहरातील नाग नदी, पिवळी नदी आणि पोहरा नदीच्या स्वच्छतेचे काम सुरू आहे. या अभियानामध्ये नाग नदीच्या अंबाझरी दहन घाट परिसरातील पात्राचे रुंदीकरण देखील केले जात आहे. नाग नदी स्वच्छता तसेच पात्राचे रुंदीकरण कार्य मान्सूनपूर्वी पूर्ण व्हावे यादृष्टी गती वाढविण्याचे निर्देश मनपा आयुक्त तथा प्रशासक डॉ. अभिजीत चौधरी यांनी दिले.डॉ. चौधरी यांनी नाग नदी स्वच्छता तसेच अंबाझरी दहन घाटाजवळील पात्राच्या रुंदीकरण कामाची पाहणी केली व आढावा घेतला. या पाहणी दौऱ्यात मुख्य अभियंता श्री. राजीव गायकवाड, अधीक्षक अभियंता श्री. मनोज तालेवार, उपायुक्त डॉ. गजेंद्र महल्ले, उद्यान अधीक्षक श्री. अमोल 

चौरपगार, कार्यकारी अभियंता श्री. विजय गुरूबक्षाणी आदी उपस्थित होते.नाग नदीच्या पाण्याच्या प्रवाहाला अडथळा निर्माण होउ नये व खूप जास्त पावसातही पाणी सुरळीत वाहून जावे यासाठी अंबाझरी दहन घाट ते व्हीएनआयटी पूलापर्यंतचे पात्र रुंद करण्याची सूचना सिंचन विभागाद्वारे करण्यात आली होती. या सूचनेनुसार महाराष्ट्र राज्य सार्वजनिक विभागाद्वारे हे कार्य सुरू आहे. मनपा आयुक्तांनी अंबाझरी दहन घाट ते व्हीएनआयटी पुलापर्यंतचे पात्र तसेच एनआयटी स्केटिंग रिंक येथील पात्राची पाहणी करून या कामाबाबतची स्थिती जाणून घेतली. 

अंबाझरी लेआयउट येथील नदी पात्राची पाहणी करताना मनपा आयुक्त तथा प्रशासक डॉ. अभिजीत चौधरी यांनी क्रेझी केसलद्वारे पात्रावर निर्माण केलेले लोखंडी पूल त्वरीत काढण्याबाबत निर्देशही दिले.याशिवाय त्यांनी अशोक चौक येथे भेट देउन येथील नाग नदीच्या पात्राच्या स्वच्छता कार्याचा आढावा घेतला.पावसाळ्यात अतिरिक्त पाणी आल्यास पाण्याचा लगेच नाग नदीत निचरा व्हावा व नदीतील पाणी सुरळीत प्रवाहित व्हावे, त्याला कुठलाही अडथळा निर्माण होउ नये यादृष्टीने कटाकाक्षाने कार्य करण्याचे निर्देश मनपा आयुक्त तथा प्रशासक डॉ. अभिजीत चौधरी यांनी प्रशासनाला दिले होते. तांत्रिक आणि शास्त्रशुद्ध दृष्ट्या कार्य व्यवस्थित व्हावे याकरिता या कामाबाबत सिंचन विभागाद्वारे अभिप्राय आणि सूचना मागविण्यात आलेल्या होत्या.

सिंचन विभागाद्वारे नदीच्या उगमापासून पाण्याचा प्रवाह अधिक सुरळीत व्हावा याकरिता पात्राचे रूंदीकरण करण्याबाबत सूचना केली होती त्यानुसार मनपाद्वारे रुंदीकरणाचे कार्य प्रगतीपथावर आहे.

सार्वजनिक ठिकाणी अस्वच्छता पसरविणा-या ६९ प्रकरणांची नोंद- उपद्रव शोध पथकाची धडक कारवाई

नागपूर:- नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, ५० मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाईची सुरुवात केली आहे. शुक्रवारी (ता. १०) रोजी उपद्रव शोध पथकाने ६९ प्रकरणांची नोंद करून ३३ हजार ४०० रुपयांचा दंड वसूल केला.शहराला स्वच्छ ठेवण्यासाठी रस्त्यावर, फुटपाथवर कचरा टाकणारे, थुंकणारे, घाण करणारे, लघुशंका करणारे, प्लास्टिक पिशवीचा वापर करणाऱ्या नागरिकांवर तसेच दुकानदारांवर दंडात्मक कारवाई सुरु आहे. सार्वजनिक ठिकाणी रस्ता, फुटपाथ, मोकळी जागा, अशा ठिकाणी 

थुंकणे (रु. २००/- दंड) या अंतर्गत २ प्रकरणांची नोंद करून ४०० रुपयांचा दंड वसुल करण्यात आला. हाथगाडया, स्टॉल्स, पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु. ४००/- दंड) या अंतर्गत १५ प्रकरणांची नोंद करून ६ हजार रुपयांचा दंड वसुल करण्यात आला. व्यक्तीने रस्ता, फुटपाथ, मोकळी जागा अशा ठिकाणी कचरा टाकणा-या एका व्यक्तीवर कारवाई करून १०० रुपये दंड ठोठावण्यात आला. दुकानदाराने रस्ता, फुटपाथ, मोकळी जागा

अशा ठिकाणी कचरा टाकणे या अंतर्गत ११ प्रकरणांची नोंद करून ४ हजार ४०० रुपयांचा दंड वसुल करण्यात आला.वाहतुकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत ५ प्रकरणांची नोंद करून ३५०० रुपयांचा दंड वसुल करण्यात आला. चिकन सेंटर, मटन विक्रेता यांनी त्यांचा कचरा रस्ता, फुटपाथ, मोकळी जागा अशा ठिकाणी कचरा टाकणे या अंतर्गत २ विक्रेत्यांवरील कारवाईत २ हजार रुपयांचा दंड वसुल करण्यात आला.उपरोक्त यादीत न आढळणारे इतर उपद्रवांमध्ये (व्यक्ती) २० प्रकरणांची नोंद करून ४ हजार रुपये दंड वसूल करण्यात आलेला आहे. उपरोक्त यादीत न आढळणारे इतर उपद्रव (संस्था) असल्यास १३ प्रकरणांची नोंद करून १३ हजार रुपये दंड वसूल करण्यात आला. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.मनपाच्या उपद्रव शोध पथकाद्वारे शुक्रवारी (ता.१०) रोजी प्रतिबंधक प्लास्टिक पिशवीचा वापर करणाऱ्या ७ प्रकरणांमध्ये ३५ हजार रुपयांचा दंड वसूल केला. धरमपेठ झोनमधील गोकुलपेठ येथील आझाद किराणा, गांधीबाग झोन अंतर्गत सारीका किराणा स्टोर्स, सतरंजीपुरा झोन अंतर्गत जगनाद स्वीट्स तीन  प्रतिष्ठांनाकडुन एकुण १५ हजार रुपयाचा दंड वसूल केला. याशिवाय धरमपेठ झोन अंतर्गत काटोल रोड गंगानगर येथील नेताजी सोसायटी येथील रहिवाश्याने घातक वैद्यकीय कचरा सामान्य कच-यात टाकल्याबद्दल ५ हजार हजार रुपयांचा दंड वसुल करण्यात आला. हनुमान नगर झोन अंतर्गत नंदनवन येथील रिॲलिटी बिल्डर्सद्वारे रस्त्यावर सी अँड डी कचरा टाकल्याबद्दल ५ हजार रुपयाचा दंड वसुल करण्यात आला. 

धंतोली झोन अंतर्गत मनीष नगर येथील द अचिव्हर्स स्कूल द्वारे विनापरवानगी विद्युत खांबांवर जाहिरातीचे बॅनर लावल्याप्रकरणी ५ हजार रुपयांचा दंड वसुल करण्यात आला. मंगळवारी झोनमधील गोधनी रोड वरील बाबी प्लँट ॲकेडमीद्वारे देखील अनधिकृतपणे जाहिरात लावल्या प्रकरणी ५ हजार रुपये दंड वसूल करण्यात आला. असे एकूण ७ प्रकरणाची नोंद करून ३५ हजार रुपयांचा दंड वसूल करण्यात

 आला.

कामचुकारपणा करणाऱ्या वैद्यकीय कर्मचाऱ्यांवर मनपाचे भरारी पथक ठेवणार नजर मनपा वैद्यकिय आरोग्य विभागातर्फे पाच भरारी पथके तयार

नागपूर:नागरी प्राथमिक आरोग्य केंद्र (UPHC), आयुष्मान आरोग्य मंदिर या केंद्रावर वेळेवर उपस्थित न राहणारे, रीतसर सुट्टीचे अर्ज मंजूर न करता सुट्टी घेणारे, कामचुकारपणा करणाऱ्या वैद्यकीय अधिकारी कर्मचाऱ्यांवर नागपूर महानगरपालिकेचे भरारी पथक नजर ठेवणार आहे.नागरी प्राथमिक आरोग्य केंद्र (UPHC), आयुष्मान आरोग्य मंदिर या केंद्रातील अनियमितता दूर करण्यासाठी तसेच केंद्राची तपासणी करून अहवाल सादर करण्यासाठी नागपूर महानगरपालिका वैद्यकिय आरोग्य विभागातर्फे पाच भरारी पथके तयार करण्यात आली आहे.मनपा आयुक्त तथा प्रशासक डॉ. अभिजीत चौधरी यांच्या नेतृत्वात व अतिरिक्त आयुक्त श्रीमती आंचल गोयल यांच्या मार्गदर्शनात तसेच वैद्यकीय आरोग्य अधिकारी डॉ. दीपक सेलोकर यांच्या देखरेखीखाली मनपा वैद्यकिय आरोग्य विभागातर्फे पाच भरारी पथके तयार करण्यात आली आहे. मनपाचे अतिरिक्त वैद्यकीय आरोग्य अधिकारी डॉ. नरेंद्र बहिरवार, डॉ. विजय जोशी, प्रजनन एंवम बाल क

ल्याण अधिकारी डॉ. सरला लाड, साथ रोग अधिकारी डॉ. गोवर्धन नवखरे, युपीएचसी वैद्यकीय अधिकारी डॉ. राजेश भूरे हे या पाच भरारी पथकाचे नेतृत्व करणार आहेत.मनपाच्या दहाही झोननिहाय असणाऱ्या युपीएचसी केंद्रातील वैद्यकीय अधिकारी व कर्मचारी केंद्रात वेळेवर उपस्थित राहतात किंवा नाही. सुट्टीवर असतांना रीतसर सुट्टीचे अर्ज मंजूर करुन घेतात किंवा नाही, कामात हलगर्जीपणा, वेळेवर उपस्थित न राहणे, वरिष्ठांनी दिलेल्या आदेशाचे पालन न करणे, कामात दिरंगाई करणे, सोपवलेले काम विहित मुदतीत न करणे, परवानगी शिवाय गैरहजर राहणे, दिलेले उद्दिष्ट पूर्ण न करणे आदी विविध बाबींची तपासणी करुन हे भरारी पथक वैद्यकिय आरोग्य अधिकारी यांच्याकडे अहवाल सादर करेल.आतापर्यंत जवळपास १७ विविध दवाखान्यात या भरारी पथकाने भेट दिली असून, आवश्यक ती माहिती गोळा केली आहे. तसेच दवाखान्याच्या वेळेवर उपस्थित न राह‌णारे अधिकारी व कर्मचाऱ्यांना सक्तीचे कारणे दाखवा नोटीस देण्यात  आली आहे. सलग तीन दिवस  उशिरा येणाऱ्या  कर्मचायांना १ दिवसांची किरकोळ रजा कपात करण्याची सूचना देण्यात आली आहे.