मनपा शाळेत विद्यार्थ्यांना मोफत प्रवेश, गणवेश आणि पाठ्यपुस्तके,मनपा शाळेत 2025-26 च्या शैक्षणिक सत्राकरीता प्रवेश देणे सुरु, मराठी, हिंदी, उर्दू सह इंग्रजी माध्यमांचे शिक्षण

नागपूर:- नागपूर महापालिकेच्या शाळांमध्ये सन 2025-26 सत्रासाठी नर्सरी आणि पहिल्या वर्गापासून प्रवेश देणे सुरु झाले असून मनपा शाळेत प्रवेश घेणाऱ्या विद्यार्थ्यांना मोफत प्रवेश दिला जात आहे.  तसेच मोफत गणवेश आणि पाठ्यपुस्तके व इतर सुविधा दिल्या जात आहे. या वैशिष्ट्यामुळे महापालिकेच्या मराठी, हिंदी व इंग्रजी माध्यमांच्या शाळांकडे पालकांचा ओढा वाढला आहे. मनपाच्या शाळांमध्ये मराठी, हिंदी, उर्दू, माध्यमांच्यासह 11 शाळांमध्ये सेमी इंग्रजी  व 7 शाळांमध्ये इंग्रजी माध्यमांच्या शाळांमधून दर्जेदार शिक्षण मिळत आहे.मनपा आयुक्त तथा प्रशासक डॉ. अभिजीत चौधरी आणि अतिरिक्त आयुक्त श्रीमती वैष्णवी बी., यांच्या मार्गदर्शनात मनपा शाळा आणि कनिष्ठ महाविद्यालयाच्या शैक्षणिक गुणवत्ता वाढ होत आहे. या गुणवत्ता वाढीमुळे दहावी आणि बारावीच्या परीक्षेत मनपा विद्यार्थीची परीक्षेत 90 टक्क्यांपेक्षा अधिक गुण घेण्याची संख्या वाढली आहे. अशी माहिती शिक्षणाधिकारी श्रीमती साधना सयाम यांनी दिली.मनपा शाळेत डॉ.बाबासाहेब आंबेडकर आदर्श शाळा, पीएम श्री शाळा, मिशन नवचेतना आणि स्मार्ट सिटीच्या योजनामुळे महापालिकेच्या शाळेच्या गुणवत्तेत वाढ झाली आहे. या योजना अंतर्गत वर्ग 1 ते 8 या वर्गातील मुलांना शासनाकडून मोफत गणवेश, पाठ्यपुस्तके व इतर सुविधा दिले जात आहे. महापालिकेतर्फे बालवाडी, वर्ग 9 ते 12 यातील विद्यार्थांना मोफत प्रवेश व गणेवश, पाठ्यपुस्तके इतर सुविधा 

दिली जात आहे. मनपा शाळेतील मुलींचे गळतीचे प्रमाण कमी व्हावे याकरीता उपस्थिती 80% च्यावर असलेल्या मुलींना 2 टप्प्यात प्रत्येकी 2 हजार याप्रमाणे एकूण 4 हजार रुपये उपस्थिती भत्ता,  दूरवरुन येणाऱ्या विद्यार्थ्यांना सायकल, विद्यार्थ्यांना मोफत बस पास सुविधा उपलब्ध होत असते.मनपा शाळेत प्रशिक्षित असे दर्जेदार शिक्षक असल्याने दहावीच्या निकालातही वाढ झाली आहे. याशिवाय शैक्षणिक कालावधीत विद्यार्थ्यांना भेडसावणाऱ्या समास्यापासून मुक्त होण्यासाठी आणि विद्यार्थ्यांनी आपला शैक्षणिक दर्जात वाढ करण्यासाठी  विविध योजनेअंतर्गत मानसशास्त्रज्ञाकडून अभ्यास कसा करायचा आणि परीक्षेत उत्तरे सोडवायचे याचे धडे सुद्धा मिळू लागले आहे.यामुळे खाजगी शाळांच्या स्पर्धेत महापालिकेच्या शाळांनी आता एक पाऊल समोर टाकले आहे. मिशन नवचेतनामुळे मनपा शाळांचा इमारती आता देखण्या झाल्या तसेच भिंती बोलक्या झाल्या आहेत.सध्या नागपूर महापालिकेतर्फे एकूण 114 शाळा संचालित केले जात आहे. यामध्ये प्राथमिक शाळांमध्ये मराठी माध्यमांच्या 27 शाळा,  हिंदी माध्यमांच्या 37 शाळा, उर्दू-18 आणि  इंग्रजी मध्यमाच्या 7 अशा 86 शाळांचा समावेश आहे.  याशिवाय माध्यमिक शाळांमध्ये मराठी माध्यम 7, हिंदी माध्यम-11, उर्दू माध्यम- 9 व इंग्रजी माध्यमाची एक शाळा अशा 28 शाळा आहेत. तर चार कनिष्ठ महाविद्यालयात कला, वाणिज्य व विज्ञानाचे शिक्षण दिले जाते.तर महापालिकेतर्फे इंग्रजी माध्यमाची जी.एम.बनातवाला शाळामध्ये नर्सरी ते  दहावी पर्यंत दर्जेदार शिक्षण मिळत असल्याने शाळेत प्रवेश 

घेणाऱ्या विद्यार्थ्यांची संख्या वाढली आहे.शैक्षणिक वर्ष 2025-26 मध्ये महापालिकेच्या शाळांमध्ये प्रवेश घेतलेल्या विद्यार्थ्यांना शाळेच्या पहिल्याच दिवशी मोफत गणवेश आणि पाठ्यपुस्तके  दिले जाणार आहे. त्यासाठी पूर्ण तयारी करण्यात आली असल्याची माहिती  शिक्षणाधिकारी श्रीमती साधना सयाम यांनी दिली. शाळेच्या पहिल्याच दिवशी मुलांचे शाळेत स्वागत करण्यात येणार आहे. शाळांची स्वच्छता करणे, वर्गाची सजावट करणे, तसेच मुलांचे स्वागत वाजत गाजत करणे, यासह गुलाब पुष्प देऊन विविध रंगांचे फुगे उडवून आणि मिठाई देऊन करण्यात येणार आहे.शाळेमध्ये उपलब्ध मोफत-सुविधा:- मोफत प्रवेश, 12 वी पर्यंत मोफत शिक्षण,मोफत शैक्षणिक पाठ्यपुस्तके,मोफत गणवेश (२ नग), जोडे, मोजे (वर्ग 9 ते 12 व बालवाडी),पोषण आहार (आठवी पर्यंत),दूरवरुन येणाऱ्या विद्यार्थ्यांना सायकल,शाळेत जाणे-येणे करीता मोफत बस पास,दिव्यांग विद्यार्थ्यांना प्रवास भत्ता (प्रमाणपत्रानुसार),80 टक्के उपस्थित असलेल्या मुलींसाठी प्रतीवर्ष 4 हजार रुपये आर्थिक मदत (उपस्थिती भत्ता),11 वी ते 12 वी हुशार विद्यार्थ्यांकरीता सुपर 75 योजना,दहावी उत्तीर्ण झालेल्या विद्यार्थ्यांकरीता जेईई, नीट प्रशिक्षण मिळावे याकरिता नामांकित क्लासेसमध्ये मोफत प्रशिक्षण,पाचव्या वर्गापासून शासकीय शिष्यवृत्तीचा लाभ,सी.सी.टी.व्ही सुरक्षा/डीजीटल बोर्ड द्वारे शिक्षण शाळेची वैशिष्ट्य:- डिजिटल क्लासरूम,स्टेम लॅब,आधुनिक सायन्स लॅब,मध्यान भोजन (मिड डे मील) योजना,शाळेचे प्रशस्त मैदान,किचन गार्डन,विद्यार्थ्यांच्या सर्वांगिण विकासासाठी क्रीडा आणि संगीत वर्ग,सर्व विद्यार्थ्यांची आरोग्य तपासणी व मोफत उपचार,9 वी 10 वी विद्यार्थ्यांकरीता ऑटोमोबाईल टेक्निशियन अभ्यासक्रम,मानसिक स्वास्थ सुदृढ करण्यासाठी मानसोपचार/ मानसशास्त्रज्ञाकडून तपासणी आणि मार्गदर्शन,विद्यार्थ्यांच्या क्रीडा गुणांना वाव देण्यासाठी राष्ट्रीय स्तरावरील खेळाडू असलेले क्रीडा शिक्षक  दरवर्षी शिक्षण उत्सव समारंभ # प्रवेशासाठी लागणारे कागदपत्रे:-जन्म दाखला,आधार कार्ड,विद्यार्थ्यांचा शाळा सोडल्याचा दाखला,मागील वर्षाचे गुणपत्रक (मार्कशिट),पासपोर्ट आकाराचा फोटो.

मतीमंद घटकातील दिव्यांग शिबीराला उत्स्फूर्त प्रतिसाद,शिबीराच्या पहिल्याच दिवशी 125 लाभार्थ्यांनी घेतला लाभ

नागपूर:-  नागपूर महानगरपालिकेच्या समाज विकास विभागातर्फे मनपा मुख्यालयात गुरुवार, 22 मे पासून आयोजित  दोन दिवसीय मतिमंद घटकातील दिव्यांगांना प्रतिमहा 500 रुपये निवार्ह भत्ता शिबिराला लाभार्थ्यांचा उत्स्फूर्त प्रतिसाद मिळाला. पहिल्याच दिवशी 125 दिव्यांग लाभार्थ्यांनी नोंदणी केली.मनपा आयुक्त तथा प्रशासक डॉ. अभिजीत चौधरी आणि अति. आयुक्त श्रीमती वैष्णवी बी., यांच्या मार्गदर्शनाखाली समाज विकास विभागाअंतर्गंत मतिमंद, सेरेबल पाल्सी, ऑटिझम, विशेष विकलांग, बहु विकलांग प्रवर्गातील दिव्यांगांकरिता निर्वाह भत्ता अर्थसहाय्य योजना राबविण्यात येत आहे.अतिरिक्त आयुक्त श्रीमती वैष्णवी बी., यांनी मतिमंद घटकातील दिव्यांगांना प्रतिमहा 500 रुपये निवार्ह भत्ता शिबीराला भेट दिली. नागरीकांशी चर्चा केली आणि मार्गदर्शन केले. याप्रसंगी समाज विकास उपायुक्त डॉ. रंजना लाडे, समाज विकास विभागातील श्री. विनीत टेंभुर्णे, श्रीमती नूतन मोरे, श्री. सुरेंद्र सरदारे, श्री. चंद्रशेखर 

पाचोरे, सोमय्या शेख आदी उपस्थित होते.मतीमंद प्रवर्गातील योजनांपासून शहरातील कुणीही दिव्यांग वंचित राहू नये यासाठी महानगरपालिकेच्या समाज विकास विभागामार्फत गुरुवार 22 मेपासून दोन दिवसीय शिबीर महापालिका मुख्यालयात आयोजित केले आहे. यावेळी मनपा कर्मचाऱ्यांतर्फे शिबीरात लाभार्थ्यांना ऑनलाईन व ऑफलाईन अर्ज भरण्याचे प्रशिक्षण देण्यात आले. उद्या शुक्रवार 23 मे रोजी मनपा मुख्यालयात मतिमंद घटकातील दिव्यांगाना प्रतिमहा 500 रुपये निर्वाह भत्ता शिबीर आयोजित करण्यात येणार असून लाभार्थी किंवा त्यांच्या कौटुंबिक सदस्यांनी आवश्यक कागदपत्रांसह शिबीर स्थळी उपस्थित राहून लाभ घेण्याचे आवाहन महापालिकेच्या समाज विकास विभागाच्या उपायुक्त डॉ. रंजना लाडे यांनी केले आहे.

मिनीमातानगर येथे साकार होणार ३० बेडचे मनपा रुग्णालय,यूसीएचसी इमारतीच्या कामाची आयुक्तांनी केली पाहणी

 नागपूर:- नागपूर महानगरपालिकेद्वारे मिनीमाता नगर येथे नवीन नागरी सामुदायिक आरोग्य केंद्र (यूसीएचसी) साकारले जात आहे. या ३० बेडच्या रुग्णालयाच्या इमारतीचे बांधकाम कार्य सुरु असून गुरुवारी (ता.२२) मनपा आयुक्त तथा प्रशासक डॉ. अभिजीत चौधरी यांनी कामाची पाहणी केली. याप्रसंगी अतिरिक्त आयुक्त श्रीमती वसुमना पंत, मुख्य अभियंता श्री. मनोज तालेवार, वैद्यकीय आरोग्य अधिकारी डॉ. दीपक सेलोकर, कार्यकारी अभियंता श्रीमती अल्पना पाटणे, लकडगंज झोनचे सहायक आयुक्त श्री. विजय थूल, उपअभियंता श्री. राजीव गौतम, श्री. देवचंद काकडे, झोनल वैद्यकीय आरोग्य अधिकारी डॉ. ख्वाजा मोईनुद्दीन, शहर लेखा व्यवस्थापक श्री. नीलेश बाभरे, झोनचे शाखा अभियंता श्री. जगदीश बावनकुळे, कंत्राटदार श्री. संजय मेडपल्लीवार आदी उपस्थि‍त होते.मिनीमानगर येथे मनपा रुग्णालयाच्या दोन माळ्याच्या इमारतीचे बांधकाम करण्यात येत आहे. बांधकामाशी संबंधित प्रलंबित कार्य तसेच उर्वरित कार्य लवकरात 

लवकर पूर्ण करण्याचे निर्देश आयुक्तांनी यावेळी सार्वजनिक बांधकाम विभागाला दिले. फर्निचर, रुग्णालयातील इतर कामे, बाहेरील परिसरातील कामे याकडे देखील लक्ष दिले जावे, पार्कींग, रुग्णालयाच्या प्रवेशद्वारापुढील परिसर याची देखील व्यवस्था योग्य असावी त्यादृष्टीने आवश्यक कार्यवाही करण्याचेही निर्देश त्यांनी विभागाला दिले. मनपा आरोग्य विभागाद्वारे या रुग्णालयाचे संचालन केले जाणार आहे. रुग्णालयासाठी आवश्यक मनुष्यबळ आणि उपकरणांसाठी राज्य सरकारकडे मान्यतेसाठी प्रस्ताव पाठविण्यात यावा, याबाबत आयुक्तांनी आरोग्य विभागाला निर्देशित केले. मिनीमाता नगर येथील नागरी सामुदायिक आरोग्य केंद्र (यूसीएचसी) येथे ३० खाटांची व्यवस्था असणार आहे. 

या रुग्णालयात ओपीडी, आयपीडी ची व्यवस्था असेल. नवजात शिशू, बालरोग, स्त्रीरोग, नेत्र, दंत यासह २४ तास आपात्कालीन सेवा, रेडिओलॉजी सेवा, शस्त्रक्रिया या सर्व सुविधा या रुग्णालयामधून दिल्या जाणार आहेत. मनपाचे नवे रुग्णालय सुरु करण्याच्या दृष्टीने आवश्यक कार्य पूर्ण करण्याच्या दृष्टीने सर्व बाबींची लवकरात लवकर पूर्तता करुन पुढील कार्यवाही करण्याचे यावेळी मनपा आयुक्त डॉ. चौधरी यांनी निर्देश दिले आहेत.

'झुडपी ' संदर्भातील 'सर्वोच्च' आदेशामुळे विकासातील अडथळा दूर होणार!

आज सर्वोच्च न्यायालयाने झुडपी जंगलासंदर्भात दिलेला आदेश हा महाराष्ट्रासाठी अत्यंत महत्त्वाचा आणि दूरदृष्टीपूर्ण आहे. या आदेशामुळे पर्यावरणाच्या संवर्धनासोबतच विकासाच्या मार्गात अडथळा ठरणाऱ्या अनाठायी अडचणी दूर होतील.महाराष्ट्र शासनाने या मुद्द्यावर सातत्याने न्यायालयात प्रभावी मांडणी केली. विशेषतः मुख्यमंत्री देवेंद्र फडणवीस यांनी या विषयावर दाखवलेली तातडी, भूमिका आणि दूरदृष्टी यांचे मनःपूर्वक कौतुक करावे तेवढे थोडेच आहे. त्यांच्या नेतृत्वाखाली शासनाने झुडपी जंगलांबाबतची वस्तुनिष्ठ भूमिका मांडून, पर्यावरणाचा तोल राखत विकासाला गती देण्याचा मार्ग मोकळा केला आहे.हा निर्णय राज्यातील अनेक विकास प्रकल्पांना नवी चालना देईल. नागपूरसह विदर्भातील झुडपी जंगल म्हणून ओळखल्या गेलेल्या भूभागात विकासाच्या संधी निर्माण होतील, तसेच स्थानिक लोकांना रोजगार व पायाभूत सुविधांचाही लाभ मिळेल. नागपूर शहरातील दक्षिण पश्चिम मतदारसंघातील अंबिका नगर, जयताळा,  एकात्मता नगर, तकीया धंतोली, सरस्वती नगर, जयताळा दक्षिण पश्चिम तसेच पश्चिम नागपुरातील कृष्णा नगर, आझाद नगर, सुरेंद्रागढ, मानवता नगर, आदिवासी नगर, गधेघाट छावणी, गोवा कॉलनी, नवीन फुटाळा वस्ती (उत्तर), यासारख्या अनेक झोपडपट्टीवासीयांना पट्टे मिळण्याचा मार्ग सर्वोच्च न्यायालयाच्या या आदेशामुळे मोकळा झाला आहे.या ऐतिहासिक निर्णयासाठी मुख्यमंत्री देवेंद्र फडणवीस, वनविभाग आणि संपूर्ण प्रशासनाचे मनापासून आभार मानतो.

{  आमदार संदीप जोशी }

पीएम श्री मनपा शाळा’ ठरणार गुणवत्तापूर्ण शिक्षणाचे केंद्र

नागपूर:- केंद्र सरकारच्या महत्त्वाकांक्षी 'पीएम श्री' स्कूल (Pradhan Mantri Schools for Rising India) योजनेसाठी महापालिकेच्या दोन शाळाची निवड झाली आहे. यात नागपूर महानगरपालिकेच्या संजयनगर मनपा हिंदी माध्यमिक शाळा आणि लाल बहादूर शास्त्री हिंदी माध्यमिक मनपा शाळा या  दोन शाळांचा समावेश आहे. या योजनेंतर्गत महापालिका शाळांचा शैक्षणिक व परिसर कायापालाट झाला असून विद्यार्थ्यांना गुणवत्तापूर्ण शिक्षण मिळत आहे.केंद्र सरकारने सरकारी शाळेत शिकणाऱ्या मुलांसाठी आणि सरकारी शाळांना आधुनिक बनवण्यासाठी 2022 वर्षी ‘पीएम श्री स्कूल योजना’ देशभरात सुरू केली आहे. पीएम श्री स्कूल योजनेमधून विकसित झालेल्या शाळा इतर सामान्य शाळांपेक्षा वेगळ्या ठरत आहेत. या योजनेअंतर्गत देशभरातील काही निवडक शाळा आधुनिक शिक्षण सुविधांनी समृद्ध करून आदर्श शाळा म्हणून विकसित केल्या आहेत.'पीएम श्री' शाळांमध्ये विद्यार्थ्यांचा सर्वांगीण विकास, गुणवत्तापूर्ण शिक्षण, हरित शाळा संकल्पना आणि नवीन राष्ट्रीय शिक्षण धोरणाची (NEP 2020) प्रभावी अंमलबजावणी या गोष्टींना प्राधान्य दिले जाते. या योजनेत नागपूर महापालिकेच्या डिप्टी सिग्नल भागातील संजयनगर मनपा हिंदी माध्यमिक शाळा आणि हनुमान नगरातील लाल 

बहादूर शास्त्री हिंदी माध्यमिक शाळांची निवड झाली आहे.या दोन्ही शाळांना आता उत्कृष्ट शैक्षणिक सुविधा, आधुनिक तंत्रज्ञान आणि गुणवत्तापूर्ण शिक्षण देण्यासाठी केंद्र सरकारतर्फे पुरेसा निधी उपलब्ध करून देण्यात आला आहे. यामुळे शाळेतील विद्यार्थ्यांना अधिक चांगल्या वातावरणात शिक्षण घेण्याची संधी मिळत आहे. या योजनेंतर्गत डिजिटल शिक्षण संसाधने, शिक्षकांना प्रशिक्षण. विद्यार्थ्यांसाठी वर्ग खोल्या अधिक चांगल्या पद्धतीने बनविण्यात आल्या आहेत. या शिवाय प्रयोगशाळेची व्यवस्था करण्यात आली आहे. शाळेत मुलांना विविध विषयांचे व्यवहारिक ज्ञान दिले जात आहे.अंध विद्यार्थ्यांसाठी अभ्यासासाठी स्वतंत्र व्यवस्था करण्यात आली आहे.मनपाच्या संजयनगर मनपा हिंदी माध्यमिक शाळा आणि लाल बहादूर शास्त्री हिंदी माध्यमिक शाळा  या दोन्ही  शाळांमध्ये शिक्षणाचा दर्जा मोठ्या प्रमाणात उंचावण्यास ‘पीएम श्री शाळा योजना’मुळे मोठी मदत झाली आहे. ही निवड मनपाच्या शाळेतील शैक्षणिक क्षेत्रातील प्रगतीसाठी एक महत्त्वाचा टप्पा  ठरत आहे. याकरीता केंद्र सरकारकडून समग्र शिक्षण अंतर्गत  निधी देण्यात आले आहे.पीएम श्री शाळेसोबत महापालिकेच्या इतर केजी पासून ते कनिष्ठ महाविद्यालयाचा गुणवत्तापूर्ण शैक्षणिक विकास मनपा आयुक्त तथा प्रशासक डॉ.अभिजीत चौधरी यांच्या मार्गदर्शनाखाली होऊ लागला आहे. यासंदर्भात अतिरिक्त आयुक्त श्रीमती वैष्णवी बी. यांनी विविध सूचना करून शैक्षणिक स्तर सुधारण्यासाठी पुढाकार घेतला आहे. संजयनगर आणि लाल बहादूर शास्त्री मनपा हिंदी शाळेंचा शैक्षणिक आलेखात वाढ:- संजयनगर मनपा हिंदी शाळेची निवड महाराष्ट्र शासनाच्या  ‘डॉ. बाबासाहेब आंबेडकर आदर्श शाळा’ 2020 मध्ये निवड  होताच 

शाळेचा शैक्षणिक आलेख वाढू लागला आहे. आता पीएम श्री शाळा योजनेंतअतर्गत संजयनगर हिंदी माध्यमिक शाळा आणि लाल बहादूर शास्त्री हिंदी  लाल बहादूर शास्त्री हिंदी शाळेची निवड झाली आहे. शाळेतील विद्यार्थी दहावी बोर्डांच्या परीक्षेत उल्लेखनीय यश मिळविले आहे. गुणवत्ता यादीत मनपा शाळेतून हिंदी माध्यमांच्या शाळांमध्ये प्रथम क्रमांक पटकावला आहे. शाळेत शिक्षकांचे योग्य मार्गदर्शन मिळत असल्याने 85 टक्केच्यावर अधिक गुण घेणाऱ्या विद्यार्थ्यांची संख्या सुद्धा वाढली आहे. या दोन्ही शाळांबरोबर मनपाच्या सर्व शाळांच्या गुणवत्तामध्ये वाढ झाली आहे अशी माहिती मनपाच्या शिक्षणाधिकारी श्रीमती साधना सयाम यांनी दिली.‘पीएम श्री शाळा’ अंतर्गत राबविण्यात येणाऱ्या योजना:-पीएम श्री शाळांतर्गत विद्यार्थ्यांचा सर्वांगीण विकासाकरिता शाळेतील विद्यार्थ्यांकरीता क्षेत्रीय भेटीचे आयोजन करणे, राष्ट्रीय व आंतरराष्ट्रीय स्तरीय प्रख्यात तज्ञ व्यक्तीचे शाळास्तरावर विविध विषयांचे व्याख्यान व मार्गदर्शने, शाळा स्तरावर तज्ञ व्यक्तीद्वारे योगा, क्रीडा प्रशिक्षण, आरोग्य शिबिर,  एलईडी   लाईट,  हरित शाळा म्हणून विकास करणे, शाळेत भाजीपाला, औषधी,  वनस्पती, आणि परसबागची निर्मिती, ओला व सुका कचऱ्यांचे व्यवस्थापन समजावून सांगणे, गांडूळ खत निर्मिती, शालेय परिसरात झाडे व हिरवळ लावणे, स्वच्छता पंधरवाडा, विशेष गरजा असणाऱ्या बालकांसाठी  दहा महिन्यांकरिता भत्ता, गृह मार्गदर्शन, साहित्य व साधने उपकरणे उपलब्ध करून देणे, अंशत: अंध प्रवर्गातील विद्यार्थ्यांना दहा महिन्याकरीता वाचक भत्ता, मनपा शाळेत मुलींचे शिक्षणाचे प्रमाण वाढावे याकरीता उपस्थिती भत्ता, मुलींना सॅनिटरी पॅडचे वाटप करणे, किशारवयीन मुलींसाठी उपक्रम राबविणे, तरुण संपादकीय विद्यार्थी लेखन मंडळ तयार करणे इत्यादी योजना सतत राबविले जात आहे.

अतिरिक्त आयुक्त चारठाणकर यांनी केली सीताबर्डी मेनरोडची पाहणी वाहने गस्तीवर ठेवा, मोदी गल्ली अतिक्रमणमुक्त करण्याचे अतिक्रमण विरोधी पथकाला निर्देश

नागपूर:- नागपूर पोलिस व  नागपूर महानगरपालिकेतर्फे  सीताबर्डी मेन रोडवरील  अतिक्रमण विरोधी कारवाईला करण्यात आली आहे. या कारवाईनंतर अतिरिक्त आयुक्त श्री. अजय चारठाणकर यांनी मंगळवारी (20 मे) सीताबर्डी मेनरोडवरील वाहतूक व्यवस्थेची  पाहणी केली. यावेळी अतिक्रमण विभागाचे सहायक आयुक्त श्री. हरीश राऊत, प्रवर्तन विभागाचे अधीक्षक श्री. संजय कांबळे,  श्री. भास्कर माळवे, उपद्रव शोध पथक जवान आणि पोलीस जवान उपस्थित होते.राज्यसरकारने गेल्या एप्रिल २०२४ मध्ये काढलेल्या राजपत्रातील आदेशानुसार नागपूर महापालिका आणि नागपूर पोलिस यांच्या संयुक्त कारवाईत सीताबर्डी मेन रोडवरुन जवळपास हॉकर्सना हटविण्यात आले आहेत. त्यांना महाराजबाग रस्त्यावर जागा देण्यात आली आहे. यामुळे सीताबर्डी मेन रोड अतिक्रमण मुक्त झाला आहे. 

या ठिकाणी आता दुचाकी आणि चारचाकी वाहनाकरीता पार्किंगची व्यवस्था करण्यात येणार आहे. अतिक्रमण हटविल्याने सीताबर्डी मेन रोड वाहतूक कोंडीमुक्त झाला आहे.मनपा आयुक्त तथा प्रशासक डॉ. अभिजीत चौधरी यांनी सीताबर्डी रोडवरील अतिक्रमण हटविण्याकरीता निर्देश दिले होते. त्यानुसार  महापालिकेच्या प्रवर्तन विभागाने सीताबर्डी मेनरोडवरील हॉकर्सचे अतिक्रमण हटविले आहे. या कारवाईनंतर अतिरिक्त आयुक्त श्री.अजय चारठाणकर यांनी मंगळवारी (ता. २०) दुपारी भेट दिली आणि पाहणी केली.

यावेळी श्री. चारठाणकर यांनी मोदी गल्ली क्रमांक 1, 2 व 3 येथेही भेट दिली व पाहणी केली. तसेच येथील अतिक्रमण काढण्याचे निर्देश त्यांनी अतिक्रमण विभागाला दिले. तर सीताबर्डी मेन रोडावर मनपाची वाहने रात्रीपर्यंत गस्तीवर ठेवण्याचे निर्देश  दिले. तसेच यापुढे कोणत्याही हॉकर्सला सीताबर्डी मेन  रोडवर दुकाने लावण्यास मनाई करावी, अशा सूचनाही त्यांनी अतिक्रमण विभागास केले. अतिक्रमण कारवाई करताना  काही अडचणी आल्यास ताबडतोब पो‍लिसांची मदत घेण्याच्या सूचना श्री. चारठाणकर यांनी केल्या.सीताबर्डी मेन रोडावर राहणार दुचाकी आणि चारचाकी पार्किगची व्यवस्था:- सीताबर्डी येथील हॉकर्स झोन महाराजबाग येथील रस्त्यावर हलविल्यानंतर येथील दोन्ही बाजूने पार्किंगची व्यवस्था करण्यात आली आहे. 

ग्लोकल मॉलच्या रांगेत व्हेरायटी चौकात बाटा शोरुम ते नॉव्हेल्टी सीताबर्डी मेन रोडच्या उजव्या बाजूला, बॉम्बेवाला दुकान ते ड्रीम शॉपपर्यंत सीताबर्डी मेन रोडच्या उजव्या बाजूला, व्यंकटेश मार्केट ते पारेख ज्वेलर्स दुकानापर्यंत सीताबर्डी मेन रोडच्या उजव्या बाजूला  चारचाकी वाहनाची पार्किंग व्यवस्था करण्यात येणार आहे.  व्हेरायटी चौकात बाळा फुटवेअरपासून राजा ऑप्टिकलपर्यंत, सिल्की लॉन्जी दुकानापासून खादी ग्रामोद्योग दुकानापर्यंत, जोशी आईस्क्रीम ते पारेख ज्वेलर्स जुने दुकान या रस्त्याच्या डाव्या बाजूला दुचाकी पार्किग व्यवस्था राहणार आहे.

सार्वजनिक ठिकाणी अस्वच्छता पसरविणाऱ्या 16 प्रकरणांची नोंद उपद्रव शोध पथकाची धडक कारवाई

नागपूर:- नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई ची सुरुवात केली आहे. मंगळवार (20)  रोजी शोध पथकाने  16  प्रकरणांची नोंद करून  रु. 11,500‍/- रुपयाचा दंड वसूल केला हाथगाडया, स्टॉल्स, ‍पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु.400/- दंड) या अंतर्गत  07 प्रकरणांची नोंद करून  रु.2,800/- रुपयांची वसुली करण्यात आली. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे (रु. 400/- दंड) या अंतर्गत  03 प्रकरणांची नोंद करून रु.1,200/- रुपयांची वसुली करण्यात आली. वाहतूकीचा रस्ता 

मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या अंतर्गत 4 प्रकरणांची नोंद करून रु.2,500/- रुपयांची वसुली करण्यात आली. उपरोक्त यादीत न आढळणारे इतर उपद्रव व्यक्ती असल्यास 05 प्रकरणांची नोंद करून रु.1,000/- दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास 04 प्रकरणांची नोंद करून रु.4,000/- दंड वसूल करण्यात आलेला आहे. ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.‍तसेच उपद्रव शोध पथकाने  लक्ष्मी नगर झोन अंतर्गत मे. ऐयरपोर्ट सेंटर पोईंट हॉटेल यांनी यांनी रस्त्यावर सी अँड डी कचरा टाकल्याबद्दल रू. 5,000/- चे दंड वसुल करण्यात आला. मे. हेडा बिल्डीकॉन ऐलिट हॉम यांनी बांधकामाचे साहित्य रस्त्यावर टाकल्याबद्दल एकुण रु.10,000/- चे दंड वसुल करण्यात आले.  गांधीबाग झोन अंतर्गत यांनी मे. ढाकने प्लास्टीक यांनी प्लास्टिकचा वापर केल्याबद्दल रु.5,000/- चे दंड वसुल करण्यात आला. उपद्रव शोध पथकाने 03 प्रकरणांची नोंद करून रू. 20,000/- दंड वसूल केला.