सार्वजनिक ठिकाणी अस्वच्छता पसरविणाऱ्या 59 प्रकरणांची नोंद उपद्रव शोध पथकाची धडक कारवाई

 

नागपूर:- नागपूर महानगरपालिकेच्या उपद्रव शोध पथकाने सार्वजनिक ठिकाणी लघुशंका करणाऱ्यांवर, कचरा फेकणाऱ्यांवर, थुंकणाऱ्यांवर, 79 मायक्रॉन पेक्षा कमी प्लास्टिक पिशवीचा वापर करणाऱ्यांवर अधिक कठोर कारवाई ची सुरुवात केली आहे. बुधवार (09)  रोजी शोध पथकाने  59  प्रकरणांची नोंद करून  रु. 62,800/- रुपयाचा दंड वसूल केला. हाथगाडया, स्टॉल्स, ‍पानठेले, फेरीवाले, छोटे भाजी विक्रेते यांनी लगतच्या परिसरात अस्वच्छता (रु.400/- दंड) या अंतर्गत  15  प्रकरणांची नोंद करून  रु.6,000/- रुपयांची वसुली करण्यात आली. व्यक्तीने रस्ता, फुटपाथ, मोकळी जागा अशा ठिकाणी कचरा टाकणे (रु. 100/- दंड) या अंतर्गत 03 प्रकरणांची नोंद करून रु. 300/- रुपयांची वसुली ‍करण्यात आली. दुकानदाराने रस्ता, फुटपाथ, मोकळी जागा अशा ठिकाणी कचरा टाकणे (रु. 400/- दंड) या अंतर्गत  06 प्रकरणांची नोंद करून रु.2,400/- रुपयांची वसुली करण्यात आली. वाहतूकीचा रस्ता मंडप, कमान, स्टेज इत्यादी रचना करुन अथवा वैयक्तिक कामाकरीता बंद करणे या 

अंतर्गत 13 प्रकरणांची नोंद करून रु.23,500/- रुपयांची वसुली करण्यात आली.चिकन सेंटर, मटन विक्रेता, यांनी त्याचा कचरा रस्ता, फुटपाथ, मोकळी जागा, अशा ठिकाणी टाकणे या अंतर्गत 02 प्रकरणांची नोंद करून रु. 2,000/- रुपयांची वसुली करण्यात आली.   वर्कशाप, गॅरेजेस व इतर दुरुस्तीचे व्यवसायीकांने रस्ता, फुटपाथ मोकळी जागा अशा ठिकाणी कचरा टाकणे या अंतर्गत 1 प्रकरणांची नोंद करून रू.1,000/-  रुपयांची वसुली करण्यात आली. सार्वजनिक ठिकाणी रस्ता, फुटपाथ, मोकळी जागा अशा जनावरे बांधणे या अंतर्गत 04 प्रकरणांची नोंद करून रू.12,000/- रुपयांची वसुली करण्यात आली. उपरोक्त यादीत न आढळणारे इतर उपद्रव व्यक्ती असल्यास 18 प्रकरणांची नोंद करून रु.3,600/- दंड वसूल करण्यात आलेला आहे. उपरोक्त यादीत न आढळणारे इतर उपद्रव संस्था असल्यास 12 प्रकरणांची नोंद करून रु.12,000/- दंड वसूल करण्यात आलेला आहे. 

ही कारवाई उपद्रव शोध पथक प्रमुख वीरसेन तांबे यांच्या नेतृत्वात करण्यात आली.‍

तसेच उपद्रव शोध पथकाने धरमपेठ झोन अंतर्गत श्री. क्रिष्णा भारत लोणारे, मे. उदयवाडा शॉपिंग मॉल व मे. सेंट्रल इंडीया ली. मोठ्या प्रमाणात कचरा जवळच्या रस्त्यावर टाकल्याबद्दल एकुण रु. 15,000/- चे दंड वसुल करण्यात आले. हनुमान नगर झोन अंतर्गत बागडे स्टोअर्स यांनी प्लास्टिकचा वापर केल्याबद्दल एकुण  रु.5,000/- चे दंड वसुल करण्यात आला.  मे. सम्राट बिल्डर्स डेव्हलर्प्स यांनी बांधकामाचे साहित्य रस्त्यावर टाकल्याबद्दल एकुण रु.10,000/- चे दंड वसुल करण्यात आले.  श्री. मुकेश साखरे यांनी रस्त्यावर सी अँड डी कचरा टाकल्याबद्दल रू. 5,000/- चे दंड वसुल करण्यात आला. धंतोली झोन अंतर्गत श्री. मनोज मनोत यांनी बांधकामाचे साहित्य रस्त्यावर टाकल्याबद्दल एकुण रु.10,000/- चे दंड वसुल करण्यात आले.  गांधीबाग झोन अंतर्गत मे.‍ गोपाल स्वीट्स यांनी प्लास्टिकचा वापर केल्याबद्दल रु.5,000/- चे दंड वसुल करण्यात आला.  सतरंजीपुरा झोन अंतर्गत नितीन  किराणा शॉप यांनी प्लास्टिकचा वापर केल्याबद्दल रु.5,000/- चे दंड वसुल करण्यात आला.  लकडगंज झोन अंतर्गत श्री. आशिष वर्मा यांनी रस्त्यावर सी अँड डी कचरा टाकल्याबद्दल रू. 5,000/- चे दंड वसुल करण्यात आला. उपद्रव शोध पथकाने 10  प्रकरणांची नोंद करून रू. 60,000/- दंड वसूल केला.