प्रत्येकाने अवयवदानाचा संकल्प करायला हवा- डॉ. दीपक सेलोकर यांचे आवाहन

नागपूर:- तुम्ही दिलेला अवयव एका व्यक्तीचे नाही तर, अनेक व्यक्तींचे जीवन बदलू शकतो. त्यांच्या जीवनात आनंद आणू शकतो, प्रत्येकाने अवयवदानाचा संकल्प करायला हवा आणि अवयवदानाची सुरुवात स्वतःपासून करायला हवी, असे आवाहन मनपाचे वैद्यकीय आरोग्य अधिकारी डॉ. दीपक सेलोकर यांनी केले.नागपूर महानगरपालिका आरोग्य विभाग आणि विवेका हॉस्पिटल, विवेका मेडिकल रिसर्च फाउंडेशन यांच्न्या संयुक्त विद्यमान सोमवारी (ता:२९)  मनपात अवयवदान जनजागृती कार्यक्रमाचे आयोजन करण्यात आले. याप्रसंगी मनपाचे अतिरिक्त आरोग्य अधिकारी डॉ. नरेंद्र बहिरवार, डॉ. विजय जोशी, साथरोग अधिकारी डॉ. गोवर्धन नवखरे, विवेका हॉस्पिटलचे डॉ. प्रणवकुमार झा, नागपूर स्मार्ट सिटी पर्यावरण विभागाच्या महा व्यवस्थापक डॉ. प्रणिता उमरेडकर, मनपाचे नगर रचनाकार श्री. ऋतुराज जाधव, झोनल वैद्यकीय अधिकारी डॉ. सुनील कांबळे, डॉ. ख्वाजा मोईनुद्दीन, वाहतूक 

उप अभियंता श्री. राहुल देशमुख विवेका हॉस्पिटलचे श्री. वैभव ठाकरे, श्री. प्रणव झोल्ले यांच्यासह शिक्षणविभाग अग्निशमन विभागाचे प्रतिनिधी प्रामुख्याने उपस्थित होते.कार्यक्रमात सर्वप्रथम  विवेका हॉस्पिटलचे डॉ. प्रणवकुमार झा  यांनी संगकीयसादरीकरण करीत अवयवदानाविषयी माहिती दिली. डॉ. प्रणवकुमार झा यांनी सर्वसामान्य नागरिकांमध्ये अवयवदाना विषयी असणारे गैरसमज आणि चुकीच्या धरणांवर प्रकाश टाकत, अवयवदाना संदर्भात अधिक जनजागृती व्हावी अशी मनीषा व्यक्त केली. तसेच कुणी अवयवदान करण्याचा संकल्प घेतला असेल तर त्यांनी ही बाब आपल्या कुटुंबातील सदस्यांना जरूर सांगावी असे आवाहनही डॉ. झा यांनी केले. यावेळी सर्वांनी अवयवदानाची शपथही घेतली.तर मनपाचे वैद्यकीय आरोग्य अधिकारी डॉ. दीपक सेलोकर यांनी प्रत्येक नागरिकाने अवयवदानाचा संकल्पकरून “राष्ट्रीय अवयव आणि ऊतक प्रत्यारोपण संघटनेच्या” (NOTTO)  अधिकृत संकेतस्थळावर जाऊन  अवयवदानाची प्रतिज्ञा घ्यावी, अवयवदानाची सुरुवात स्वतःपासून करावी, इतरांना देखील अवयवदानासाठी प्रेरित करावे असे आवाहन केले. अवयवदानाची प्रतिज्ञा घेत कार्यक्रमाची सांगता झाली.